سیما حیدر کی پٹائی کے فرضی وائرل ویڈیو پر سیما کی صفائی

سوشل میڈیا پر سیما حیدر کی تصاویر اور ویڈیوز وائرل ہو رہی ہیں جس میں سیما حیدر کے جسم پر زخموں کے نشانات نظر آ رہے ہیں۔ اس ویڈیو میں سیما حیدر اپنے ساتھ ہونے والے حملے سے جان چھڑانے کی بات کرتی نظر آ رہی ہیں۔ معاملہ زور پکڑتا دیکھ کر سیما حیدر کی جانب سے ایک وضاحتی ویڈیو جاری کی گئی ہے۔

نیوز پورٹل ’اے بی پی‘ پر شائع خبر کے مطابق اس ویڈیو میں سیما حیدر نے کہا ہے کہ کچھ پاکستانی نیوز چینلز جھوٹ بول رہے ہیں۔ پاکستانی میڈیا چینلز رمضان کے مقدس مہینے میں بھی جھوٹ پھیلانے سے باز نہیں آ رہے۔ میرے شوہر سچن ہم سب کا بہت  خیال رکھتے ہیں اور میرے بچوں سے بہت پیار کرتے ہیں۔

ویڈیو میں سیما حیدر یہ کہتے ہوئے نظر آرہی ہیں کہ اتر پردیش  میں یوگی حکومت کے تحفظ میں کوئی بھی عورت ناخوش نہیں رہ سکتی۔ میں نے کروا چوتھ کا روزہ رکھا ۔ سیما  نے اپنے وکیل بھائی اے پی سنگھ کو راکھی باندھی ہے۔ ایسے میں یہ سوچنا بھی غلط ہے کہ میرے ساتھ بھی ایسا کچھ ہو سکتا ہے۔ سیما نے کہا کہ وہ اپنے شوہر سچن کے خاندان سے بہت خوش ہیں۔ سیما حیدر نے اپیل کی ہے کہ ایسی وائرل ویڈیوز اور افواہوں پر توجہ نہ دیں۔

دراصل، سوشل میڈیا پلیٹ فارم پر وائرل ہونے والے ایک ویڈیو میں سیما ایک ویڈیو بنا رہی ہے جس میں حملہ کے بعد ان کے چوٹ کے نشانات دکھائی دے رہے ہیں۔ ویڈیو میں سیما حیدر اپنے چہرے اور ہاتھوں پر زخموں کے نشانات دکھا رہی ہیں۔ جس کے بعد یہ ویڈیو کچھ ہی دیر میں سوشل میڈیا پر وائرل ہو گئی۔ اب اس پورے معاملے میں سیما حیدر کی طرف سے تصویر صاف ہو گئی ہے۔ سیما حیدر نے اس جعلی ویڈیو کا منہ توڑ جواب دیا ہے اور کہا ہے کہ جعلی خبروں سے گریز کریں۔