افواہ پھیلانے والا ابھیشیک شکلا گرفتار، دس ہزار لوگ جڑے ہیں اس کے اکاؤنٹس سے

دہلی پولیس نے افواہ پھیلانے والے نوجوان کو گرفتار کر لیا ہے اور گرفتار شخص کا موبائل فون برامد کر لیا ہے۔

فائل تصویر، سوشل میڈیا
فائل تصویر، سوشل میڈیا
user

قومی آوازبیورو

اتوار کی شام سے جو افواہوں کابازار گرم ہوا تھا اس نے ایک مرتبہ پھر دہلی کو خوف کے سائے میں دھکیل دیا تھا اب دہلی پولیس کادعوی ہے کہ افواہ پھیلانے والے لڑکے ابھیشیک شکلا کو گرفتار کر لیا گیا ہے اور اس بات کی تصدیق ہو گئی ہے کہ مغربی دہلی کے نہال وہار علاقہ میں تشدد بھڑکنے کی جو افواہ پھیلائی گئی تھی وہ اسی 24 سالہ لڑکے کے موبائل سے ہی پھیلائی گئی تھی ۔

ایک ویبسائٹ کی خبر کے مطابق ایک پولیس افسر نے بتایا کہ ’’دہلی پولیس کے سائبر کرائم سیل نے نہال وہار میں دنگے کے بارے میں افواہ پھیلانے کے الزام میں ابھیشیک شکلا کو گرفتار کر لیا ہے اور اس کے ٹویٹر اکاؤنٹ کو فولو کرنے والے لوگوں کی تعداد دس ہزار سے زیادہ ہے ۔ ‘‘ انہوں نے بتایا کہ اس کا موبائل فون برامد کر لیا گیا ہے اور اس بات کی تصدیق کر لی گئی ہے کہ سوشل میڈیا پر افواہ پھیلانے والی مبینہ پوسٹ اس کے ہی موبائل سے ہی پوسٹ ہوئی تھی ۔


دہلی میں اتوار کی شام کو تشدد کی افواہ پھیلنے کے بعد دہلی میں خوف کا ماحول پیدا ہو گیا تھا اور اس تعلق سے پولیسنے اب تک 24 افراد کو گرفتار بھی کیا ہے ۔ ان میں سے دو کا تعلق سینٹرل ڈسٹرکٹ سے ہے اور ایک کا روہنی سے ہے جبکہ 18 لوگوں کو جنوبی ڈسٹرکٹ سے گرفتار کیا گیا ہے ۔ اس سلسلہ میں اب تک دو معاملہ درج کئے جا چکے ہیں ۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔