ملک میں شفایابی کی شرح کم ہو کر 97.56 فیصد

ملک میں جمعہ کے روز ایک کروڑ تین لاکھ 35 ہزار 290 افراد کو کورونا کے ٹیکے لگائے گئے اور اب تک 62 کروڑ 29 لاکھ 89 ہزار 134 افراد کو ٹیکے لگائے جا چکے ہیں ۔

فائل تصویر یو این آئی
فائل تصویر یو این آئی
user

یو این آئی

ملک میں کل یعنی گزشتہ 24 گھنٹوں کے دوران کورونا کے 43،780 نئے کیسزسامنے آئے ہیں اور اس دوران صحت یاب ہونے والوں کی تعداد میں کمی کی وجہ سے شفایابی کی شرح کم ہو کر 97.56 فیصد ہو گئی ہے۔

ملک میں جمعہ کے روز ایک کروڑ تین لاکھ 35 ہزار 290 افراد کو کورونا کے ٹیکے لگائے گئے اور اب تک 62 کروڑ 29 لاکھ 89 ہزار 134 افراد کو ٹیکے لگائے جا چکے ہیں ۔مرکزی وزارت صحت کی جانب سے ہفتہ کی صبح جاری اعداد و شمار کے مطابق گزشتہ 24 گھنٹوں میں کورونا کے 46،759 نئے کیسز سامنے آنے سے متاثرہ افراد کی تعداد تین کروڑ 26 لاکھ 49 ہزار 947 ہو گئی ہے۔ اس دوران 31 ہزار 374 مریضوں کے صحت یاب ہونے سے اس وبا کو شکست دینے والوں کی مجموعی تعداد تین کروڑ 18 لاکھ 52 ہزار 802 ہو گئی ہے۔


اس دوران ایکٹو کیسز 14،876 بڑھ کر 3 لاکھ 59 ہزار 775 ہو گئے ہیں ۔ اس دوران مزید 509 مریضوں کی موت ہونے سے مرنے والوں کی تعداد 4،37،370 تک پہنچ گئی ہے۔ ملک میں مسلسل تین دن سے ایکٹو کیسز بڑھ رہے ہیں ۔ ملک میں ایکٹیو کیسز کی شرح ایک بار پھر بڑھ کر 1.10 فیصد ہو گئی ہے ، جبکہ شفایابی کی شرح کم ہو کر 97.56 فیصد پر آ گئی ہے اور شرح اموات 1.34 فیصد ہو گئی ہے ۔

مہاراشٹر میں گزشتہ 24 گھنٹوں کے دوران ایکٹو کیسز 1183 بڑھ کر 55،091 رہ گئے ہیں ۔ اس دوران ریاست میں 3،301 مریضوں کے صحتیاب ہونے سے کورونا سے نجات پانے والوں کی تعداد بڑھ کر 62،55،451 ہوگئی ہے ، جبکہ 170 مریضوں کی موت ہونے سے مرنے والوں کی تعداد بڑھ کر 1،36،900 ہوگئی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔