راشٹریہ لوک دل انڈیا اتحاد کے ساتھ رہے گی، جینت چودھری کا اعلان

پارٹی کارکنوں سے خطاب کرتے ہوئے جینت چودھری نے کہا، ’’انڈیا اتحاد کے حلیفوں کو اپنے اپنے اثر و رسوخ کے علاقوں میں ایک دوسرے کا ساتھ دینا چاہیے‘‘

جینت چودھری / ٹوئٹر
جینت چودھری / ٹوئٹر
user

قومی آوازبیورو

لکھنؤ: راشٹریہ لوک دل (آر ایل ڈی) کے سربراہ جینت چودھری نے اعلان کیا ہے کہ وہ انڈیا اتحاد کے ساتھ رہیں گے۔ پارٹی کارکنوں سے خطاب کرتے ہوئے جینت چودھری نے کہا، ’’انڈیا اتحاد کے حلیفوں کو اپنے اپنے اثر و رسوخ کے علاقوں میں ایک دوسرے کا ساتھ دینا چاہیے۔‘‘

جینت چودھری نے صحافیوں سے بات کرتے ہوئے کہا کہ ان کی پارٹی اتحاد کی حمایت کرتی ہے۔ انہوں نے اپنی پارٹی کے کارکنوں سے کہا ہے کہ وہ 2024 کے لوک سبھا انتخابات سے قبل اپوزیشن کیمپ کے لیے زمین پر حمایت حاصل کریں۔


جینت چودھری کے اس بیان نے 2024 کے لوک سبھا انتخابات سے قبل آر ایل ڈی کے بی جے پی زیر قیادت این ڈی اے اتحاد میں شامل ہونے کی قیاس آرائیوں کو ختم کر دیا ہے۔ جینت چودھری نے عہدیداروں سے کہا کہ وہ 7 جنوری (یوتھ پارلیمنٹ پروگرام) کے پروگرام پر توجہ مرکوز کریں، جو میرٹھ سے شروع ہوگا۔

انہوں نے کہا کہ گنے کی واجبات کی ادائیگی میں تاخیر اور زرعی پیداوار کی کم ادائیگی سے متعلق اپنے مطالبات کے لیے ریاستی حکومت پر دباؤ ڈالنے کے لیے احتجاج کریں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


/* */