فلم ’باہوبلی‘ کے اداکار رانا دَگوبتی کے اسٹارٹ اَپ ’ایکونج‘ کو زکربرگ، بل گیٹس اور جیف بیجوس سے ملی فنڈنگ

رانا دگوبتی کے اسٹارٹ اَپ ’ایکونج‘ کو مارک زکربرگ، بل گیٹس اور جیف بیجوس سے فنڈنگ ملی ہے، اس تعلق سے’باہوبلی‘ اداکار نے خوشی کا اظہار کیا ہے۔

رانا دگوبتی
رانا دگوبتی
user

قومی آوازبیورو

فلم ’باہوبلی‘ کے اداکار رانا دگوبتی کے اسٹارٹ اَپ ’ایکونج‘ کو مارک زکربرگ، بل گیٹس اور جیف بیجوس سے فنڈنگ ملی ہے۔ اس تعلق سے رانا دگوبتی نے خوشی کا اظہار کرتے ہوئے کہا ہے کہ ’’ایک آئی پی مالک کی شکل میں بلاک چین کی دنیا سب سے اچھے اور سب سے بااعتماد مواقع کی شناخت کرنے اور ان پر توجہ مرکوز کرنے کے بہترین طریقے پر حیرت انگیز امکانات کے ساتھ ساتھ چیلنجز کو بھی پیش کرتا ہے۔‘‘ انھوں نے مزید کہا کہ ’’ایک عالمی سطح کے بلاک چین ایگریگیشن کمپنی سب سے اچھا طریقہ ہے جس سے میں اور دیگر آئی پی مالک کئی شکلوں میں عالمی سطح پر آئی پی ملکیتوں کا مینجمنٹ اور مونیٹائزیشن شروع کر سکتے ہیں۔‘‘

رانا دگوبتی نے اپنے بیان میں کہا کہ ’’میں ایکونج میں ایک کو-فاؤنڈر کی شکل میں اس نئے باب کو شروع کرنے کے لیے پُرجوش ہوں، ہم ’امر چتر کتھا‘، ’ٹنکل‘ اور سریش پروڈکشنز جیسے سب سے بڑے آئی پی کے ساتھ شراکت داری کر کے خوش ہیں۔‘‘


ایکونج ایک ایسا پلیٹ فارم ہے جو ڈیجیٹل ملکیتوں کو مینیج کرنے اور ڈیجیٹل آئی پی، این ایف ٹی کو میٹاوَرس میں مونیٹائز کرنے میں مدد کرتا ہے۔ اگست 2021 میں قائم ایکونج اپنی خدمات فراہم کر رہا ہے جو آئی پی مالکوں، اداکاروں اور دیگر مشہور آئیکن کو ان کی ڈیجیٹل ملکیت کا مینجمنٹ کرنے میں مدد کرتا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔