راہل گاندھی نے وزیر خزانہ کو لکھا خط، کسانوں کو راحت دینے کا مطالبہ کیا

کسانوں کے مدے پر کانگریس رہنما راہل گاندھی نے وزیر خزانہ کا خط لکھا ہے او ر ان سے کسانوں کو قرضوں کی ادائگی میں راحت دینے کا مطالبہ کیا ہے ۔

فائل تصویر آئی اے این ایس
فائل تصویر آئی اے این ایس
user

قومی آوازبیورو

کانگریس کے سابق صدر راہل گاندھی نے مرکزی وزیر خزانہ نرملا سیتارمن کو خط لکھا ہے جس میں انہوں نے کسانوں کو راحت دینے کی درخواست کی ہے۔راہل گاندھی نے کہا ہے کہ کسانوں نے جو کم مدت کے لئے قرض لیا ہے اس کے بھگتان کو دی گئی مہلت کو 31 دسمبر 2021 تک بڑھا دیا جائے۔

راہل گاندھی نے اپنے خط میں مطالبہ کیا ہے کہ قرضو ں پر سود معاف کر دینا چاہئے کیونکہ کورونا وائرس کی وجہ سے پورے ملک کے کسان سنگین معاشی پریشانیوں سے دو چار ہیں۔ رہل گاندھی نے کہا ہے کہ ان کے پارلیمانی حلقہ وائناڈ میں بڑی تعداد میں چھوٹے کسان رہتے ہیں اور سال 2018 اور 2019 کے سیلاب سے کیرلہ کا بڑا حصہ متاثر ہوا تھا، ابھی کسان اس سے نکلا بھی نہیں تھا کہ کورونا وبا آ گئی جس نے کسانوں کی پریشانیوں میں مزید اضافہ کر دیا ۔انہوں کہا کہ کسان کم مدت کے لئے قرض لیتے ہیں اس لئے اس کی ادائگی میں راحت دی جائے۔


راہل گاندھی نے کہا ہے کہ کئی بار لگائے گئے لاک ڈاؤن کی وجہ سے کسانوں کو بہت پریشانی ہو ئی ہے۔ انہوں نے لکھا ہے کہ ان کے پارلیمانی حلقہ کی کئی تنظیموں کی جانب سے درخواست آئی ہےکہ کم مدت والے قرضوں کی ادائگی کی تاریخ میں توسیع کر دی جائے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔