راہل گاندھی نے پرانی دہلی میں رمضان کے ذائقوں کا لطف لیا تو بنگالی مارکیٹ میں گول گپوں کا مزہ

کل شام کچھ دوکاندوراں اور لوگوں کی اس وقت لاٹری لگ گئی جب کانگریس کے سابق صدر راہل گاندھی پہلے بنگالی مارکیٹ پہنچے اور پھر رات کو پرانی دہلی  میں رمضان کی رونقوں اور کھانے کے ذائقوں کا بھر پور لطف لیا۔

پرانی دہلی  میں جیسے ہی وہ پہنچے تو وہاں موجود لوگ  حیرت زدہ رہ گئے۔ پھر کیا تھا لوگوں کا ان کو دیکھنے کا  تانتا بندھ گیا ۔ لوگوں نے ان کے ویڈیو بنانے کے لئے اپنے اپنے موبائل کا خوب استعمال کیا ۔ راہل نے بنگالی مارکیٹ میں جب گول گپے کھائے تو لوگ اور دوکاندار دونوں  حیرت زدہ تھے ۔

واضح رہے راہل گاندھی پرانی دہلی میں جہاں تربوز کی ایک قاش لئے  ہوئے دکھائی دے رہے ہیں  تو ایک تصویر میں وہ لوگوں سے گھرے ہوئے نظر آ رہے ہیں ۔ نیلی رنگ کی ٹی شرٹ میں راہل جس وقت پرانی دہلی پہنچے تو وہاں بہت بھیڑ تھی اور رمضان کے آخری عشرے میں اس وقت لوگ جہاں خرید و فرخت میں مصروف ہوتے ہیں وہیں کچھ لوگ  رمضان کی اس رونق کو دیکھنے آتے ہیں۔

بہرحال راہل گاندھی کا پرانی دہلی پہنچنا وہاں  کے لوگوں کے لئے ایک خواب سے کم نہیں تھا ۔ جس بڑی تعداد میں لوگ ان کی تصویر کھینچتے اور ویڈیو بناتے نظر آ  رہے ہیں وہ اس بات کا ثبوت ہے کہ ان کی مقبولیت میں زبردست اضافہ ہورہا ہے اور وہ ایک پسندیدہ رہنما بن کر سامنے آ ئے ہیں ۔