بجلی کی قلت کی بابت وزیر اعظم مودی پر برسے راہل گاندھی

کانگریس کے سابق صدر راہل گاندھی نے بجلی کی قلت کو لے کر وزیر اعظم نریندر مودی پر حملہ کرتے ہوئے کہا ہے کہ مودی شدید گرمی میں ملک کے عوام کو بجلی سپلائی کرنے میں ناکامی کا الزام کس پر ڈالیں گے

راہل گاندھی / تصویر ٹوئٹر
راہل گاندھی / تصویر ٹوئٹر
user

قومی آوازبیورو

نئی دہلی: کانگریس کے سابق صدر راہل گاندھی نے بجلی کی قلت کو لے کر وزیر اعظم نریندر مودی پر حملہ کرتے ہوئے کہا ہے کہ مودی شدید گرمی میں ملک کے عوام کو بجلی سپلائی کرنے میں ناکامی کا الزام کس پر ڈالیں گے۔

انہوں نے کہا کہ مودی اکثر اپنی کوتاہیوں کو چھپانے کے لیے ذمہ داری سے بھاگتے ہیں اور اپنی کوتاہیوں کے لیے دوسروں کو مورد الزام ٹھہراتے ہیں۔ انہوں نے طنز یہ کہا کہ کیا بجلی کی دقت کا الزام وہ سابق وزیر اعظم جواہر لعل نہرو، عوام یا ریاستی حکومتوں پر عائد کریں گے۔


راہل گاندھی نے ٹویٹ کیا، ’وزیراعظم کے ’وعدوں‘ اور’ارادوں‘ کے درمیان کا تار تو ہمیشہ کٹا تھا۔ مودی جی،اس بجلی بحران میں اپنی ناکامی کا ذمہ دار کس کو ٹھہرائیں گے۔ نہرو جی کو۔ ریاستی حکومتوں کو۔ یا پھر عوام کو ہی‘۔

رپورٹ کے مطابق دہلی میں بجلی کی تقسیم کرنے والی 3 کمپنیوں کے پاس 7636 میگاواٹ بجلی فراہم کرنے کا انتظام ہے۔ این ٹی پی سی دادری یونٹ سے 728 میگاواٹ اور اونچاہار سے 100 میگاواٹ بجلی فراہم کی جا رہی ہے۔

دہلی کانگریس نے ایک بیان جاری کرتے ہوئے کہا کہ کورونا کی وبا کی طرح مرکز اور دہلی حکومت بھی بجلی بحران کے معاملے میں دیر سے بیدار ہوئی ہیں، جبکہ مودی حکومت کے دور میں یہ پہلا موقع نہیں ہے کہ ایسا ہوا ہو۔ کوئلے کی سپلائی کی وجہ سے بجلی کا بحران ہے۔ اس سے پہلے بھی گزشتہ سال اگست-ستمبر 2021 کے مہینے میں پاور کمپنیوں کو کوئلے کے بحران سے نبردآزما ہونا پڑا تھا۔

(ان پٹ: یو این آئی)

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔