لوگوں کو بہتر اور جدید طبی سہولیات فراہم کرنا حکومت کی اولین ترجیح: ہیمنت سورین

ہیمنت سورین نے کہا کہ یہ اسپتال رانچی کے سب سے پرانے پرائیوٹ اسپتالوں میں سے ایک ہے، یہاں طبی خدمات کی توسیع ہونے سے مریضوں کو فائدہ ہوگا۔

ہیمنت سورین، تصویر یو این آئی
ہیمنت سورین، تصویر یو این آئی
user

یو این آئی

رانچی: جھارکھنڈ کے وزیراعلیٰ ہیمنت سورین نے کہا کہ ریاست میں لوگوں کو بہتر طبی سہولیات ملے، یہ حکومت کی اولین ترجیح ہے۔ وزیر اعلیٰ سورین نے اتوار کو بریاتو روڈ واقع ہل ویو اسپتال کے نئے ٹراما اینڈ کریٹیکل کیئر یونٹ کے افتتاحی پروگرام میں کہا کہ اس میں پرائیوٹ اسپتالوں کے ذریعہ دی جا رہی سہولیات اور خدمات کافی اہمیت کی حامل ہیں۔

انہوں نے کہا کہ یہ اسپتال رانچی کے سب سے پرانے پرائیوٹ اسپتالوں میں سے ایک ہے۔ یہاں طبی خدمات کی توسیع ہونے سے مریضوں کو فائدہ ہوگا۔ اس موقع پر انہوں نے اسپتال کے ٹراما اینڈ کریٹیکل یونٹ میں دستیاب طبی آلات اور سہولیات کو دیکھا اور پوری جانکاری حاصل کی۔


وزیراعلیٰ نے کہا کہ آیوشمان بھارت منصوبہ کا لوگوں کو زیادہ سے زیادہ فائد ملے، اس کے لئے مزید اسپتالوں کو امپینل مینٹ کیا جائے گا۔ اس سے مریضوں کو اپنے ہی ریاست میں جدید طبی سہولیات کے ساتھ پرائیوٹ اسپتالوں میں بھی بہتر طبی سہولیات ملیں گی۔ اس موقع پر وزیر رامیشور اراﺅں، اسپتال کے منیجنگ ڈائریکٹر ڈاکٹر نتیش پریا، ڈاکٹرس اور ملازمین موجود تھے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔