پرینکا گاندھی نے مہنگائی پر مودی حکومت کو آڑے ہاتھوں لیا

مودی حکومت میں بے روزگاری سب سے زیادہ ہوئی ہے، مودی حکومت میں سرکاری املاک بیچی جارہی ہیں، مودی سرکار میں پیٹرول کی قیمت ایک سال میں سب سے زیادہ بڑھی۔

فائل تصویر آئی اے این ایس
فائل تصویر آئی اے این ایس
user

یو این آئی

کانگریس جنرل سکریٹری اور اتر پردیش کی پارٹی انچارج پرینکا گاندھی نے مہنگائی اور بے روزگاری سمیت دیگر مسائل پر مودی حکومت کو آڑے ہاتھوں لیتے ہوئے کہا کہ حکمراں پارٹی کی غلط پالیسیوں کی وجہ سے مسائل بڑھ رہے ہیں اور لوگوں کی پریشانیوں میں بے تحاشہ اضافہ ہورہا ہے ۔

حکومت کی پالیسیوں کو عوام مخالف قرار دیتے ہوئے محترمہ پرینکا گاندھی نے اتوار کےروز کہا کہ حکومت نے لوگوں کی مشکلات بڑھانے میں ریکارڈ بنایا ہے۔ انہوں نے ٹویٹ کیا کہ"مودی جی کی حکومت نے عوام کو تکلیف پہنچانے کے معاملے میں بڑے ریکارڈ بنائے ہیں۔"


گزشتہ ایک سال کے دوران پیٹرول کی قیمتوں میں 23 روپے سے زائد اضافے کا انکشاف کرنے والی ایک میڈیا رپورٹ کا حوالہ دیتے ہوئے انہوں نے کہا، ’’مودی حکومت میں بے روزگاری سب سے زیادہ ہوئی ہے، مودی حکومت میں سرکاری املاک بیچی جارہی ہیں، مودی سرکار میں پیٹرول کی قیمت ایک سال میں سب سے زیادہ بڑھی۔

قابل ذکر ہے کہ اتر پردیش میں آئندہ اسمبلی انتخابات کے پیش نظر پرینکا گاندھی سمیت اپوزیشن پارٹیوں کے لیڈران مہنگائی کے مسئلے پر مودی حکومت کو گھیر کر اسے بڑا انتخابی مسئلہ بنانے کی کوشش کر رہے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔