مجھے سیاست میں آنے کی صلاح سب سے پہلے منڈیلا نے دی تھی: پرینکا گاندھی

نسل پرستی کے خلاف تحریک چلانے والے جنوبی افریقہ کے سابق صدر نیلسن منڈیلا کے یوم پیدائش کے موقع پر کانگریس کی جنرل سکریٹری پرینکا گاندھی نے انہیں یاد کرتے ہوئے ایک تصویر شیئر کی ہے۔

تصویر سوشل میڈیا
تصویر سوشل میڈیا

قومی آوازبیورو

نئی دہلی: آج دنیا بھر میں رنگ کی بنیاد پر نسل پرستی کے خلاف جنگ لڑنے والے جنوبی افریقہ کے سابق صدر نیلسن منڈیلا کا یوم پیدائش منایا جا رہا ہے۔ اس موقع پر کانگریس کی جنرل سکریٹری پرینکا گاندھی نے ٹوئٹر پر ایک تصویر شیئر کر کے انہیں یاد کیا ہے۔

پرینکا نے نیلسن منڈیلا کی تصویر کو شیئر کرتے ہوئے لکھا، ’’دنیا آج نیلسن منڈیلا جیسے لوگوں کو یاد کرتی ہے۔ ان کی زندگی سچائی، محبت اور آزادی کا ایک وصیت نامہ تھی۔ میرے وہ انکل نیلسن تھے (جنہوں نے سب سے پہلے مجھے بتایا کہ مجھے سیاست میں ہونا چاہیے)۔ وہ ہمیشہ میرے لئے ایک رہنمائی کرنے والے انسان رہیں گے۔‘‘

پرینکا نے کل صبح بھی اپنی شادی کے پہلے دن کی تصویر ٹوئٹر پر شیئر کی تھی۔ انہوں نے ٹوئٹر پر چل رہے ٹرینڈ #SareeTwitter کے ساتھ اپنی شادی والے دن کی تصویر شیئر کی تھی۔ انہوں نے لکھا، ’’22 سال قبل میری شادی کے دن صبح کی پوجا کے دوران کی تصویر۔‘‘

پرینکا کی اس تصویر کو شیئر کرتے ہوئے ان کے شوہر رابرٹ واڈرا نے لکھا تھا۔ واہ! شاندار تصویر۔ آپ مجھے ہر روز ایک جیسی ہی نظر آتی ہیں۔ محبت، خوشیاں اور تعاون ہمارے وجود کی بنیاد ہے۔ آپ کے لئے بے شمار محبتیں۔

Published: 18 Jul 2019, 2:10 PM