وزیر اعظم واشنگٹن پہنچے، آج امریکی نائب صدر کملا ہیرس سے کریں گے ملاقات

وزیر اعظم نریندر مودی واشنگٹن پہنچ گئے ہیں اور وہاں وہ آج امریکہ کی نائب صدر کملا ہیرس سے ملاقات کریں گے۔ دورہ کے دوران وہ صدر بائیڈن سے بھی ملاقات کریں گے۔

فائل تصویر یو این آئی
فائل تصویر یو این آئی
user

قومی آوازبیورو

خبروں کے مطابق وزیر اعظم نریندر مودی واشنگٹن پہنچ گئے ہیں اور جس ہوٹل میں وہ قیام کریں گے وہیں وہ کئی چیف ایگزیکٹو سے ملاقات کریں گے۔آج ہی ان کی ملاقات امریکہ کی نائب صدر کملا ہیرس سے بھی ہے۔

واضح رہے وزیر اعظم نریندر مودی نے اپنے امریکہ کے دورے پر جانے قبل کہا تھا کہ وہ اس دورہ کے دوران ہندوستان اور امریکہ کے درمیان مجموعی عالمی اسٹریٹجک شراکت داری کو مضبوط بنانے ، ہندوستان کے اسٹریٹجک شراکت دار جاپان اور آسٹریلیا کے ساتھ تعلقات کو مضبوط بنانے اور اہم عالمی مسائل پر تعاون اور ہم آہنگی کو بڑھانے کے لیے بات چیت کریں گے ۔


انہوں نے کہا تھا کہ وہ امریکی صدر جوزف آر بائیڈن کی دعوت پر 22 سے 25 ستمبر تک امریکہ کا دورہ کرنے والے ہیں۔ اس دورے کے دوران وہ صدر بائیڈن کے ساتھ ہندوستان-امریکہ جامع عالمی اسٹریٹجک شراکت داری کا جائزہ لیں گے اور مشترکہ دلچسپی کے علاقائی اور عالمی مسائل پر تبادلہ خیال کریں گے۔

وزیر اعظم نے کہا تھا کہ وہ صدر بائیڈن ، آسٹریلیائی وزیر اعظم اسکاٹ موریسن اور جاپان کے وزیر اعظم یوشی ہائیڈے سوگا کے ساتھ کواڈرینگولر فریم ورک کے پہلے براہ راست سربراہی اجلاس میں شرکت کریں گے۔ یہ میٹنگ مارچ میں منعقد ہونے والی پہلی ورچول میٹنگ کے نتائج کا جائزہ لینے اور آگے کے پروگرام کے لیے ترجیحات طے کرنے کا موقع فراہم کرے گی جو کہ انڈین پیسفک ریجن کے لیے ہمارے مشترکہ وژن پر مبنی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔