ایران سے غیر مشروط بات چیت کو تیار: امریکی وزیر خارجہ

واشنگٹن: امریکی وزیر خارجہ مائیک پومپيو نے ایران کے سامنے غیر مشروط بات چیت کی تجویز پیش کی ہے۔ امریکی وزارت خارجہ کی جانب سے جاری ایک پریس ریلیز کے مطابق پومپيو نے اتوار کو سوئٹزرلینڈ کے وزیر خارجہ اگنازيو كاسس کے ساتھ ایک مشترکہ پریس کانفرنس کے دوران صحافیوں سے یہ بات کہی۔ پومپيو نے کہاکہ ’’ہم ان کے ساتھ بیٹھ کر بات چیت کرنے كے لئے تیار ہیں۔‘‘

امریکی وزیر خارجہ نے کہا کہ اگرچہ واشنگٹن ایران کے جوہری پروگرام کے سلسلے میں اپنے موقف میں کوئی تبدیلی نہیں لائے گا۔ اس سے پہلے ایران کے صدر حسن روحانی نے کہا تھا کہ دونوں ممالک کے درمیان بات چیت تبھی ممکن ہے جب امریکہ بین الاقوامی قوانین کے مطابق بات چیت شروع کرے اور ایران کو عزت دے۔

ایران کی خبر رساں ایجنسی آئی آر این اےکے مطابق روحانی نے کہاکہ ’’ اگر وہ ایران کو عزت دیں اور بین الاقوامی ضابطوں کے مطابق بات چیت شروع کرتے ہیں تو ہم ان کے ساتھ بات چیت کے حق میں ہیں‘‘۔

ایران کے اعلی مذہبی رہنما آیت اللہ علی علی خامنی ای نے بدھ کو امریکہ کے ساتھ کسی بھی قسم کی بات چیت کے امکان سے انکار کر دیا تھا۔ قابل ذکر ہے کہ گزشتہ سال مئی میں امریکی صدر ڈونالڈ ٹرمپ نے ایران کے جوہری معاہدے سے اپنے ملک کے الگ ہونے کا اعلان کیا تھا۔ اس کے بعد سے ہی دونوں ممالک کے تعلقات میں تلخی آ گئی ہے اور اس جوہری معاہدے کی احکامات نافذ کرنے سے متعلق غیر یقینی کی حالت بنی ہوئی ہے۔

امریکہ نے حالیہ چند ہفتوں کے دوران ایران کو فوجی کارروائی کا انتباہ دیتے ہوئے اس پر کافی پابندیاں نافذ کردی ہیں۔ ایران کا کہنا ہے کہ وہ امریکہ کے کسی طرح دباؤ میں نہیں آئے گا۔ واضح رہے کہ سال 2015 میں ایران نے امریکہ، چین، روس، جرمنی، فرانس اور برطانیہ کے ساتھ ایک معاہدے پر دستخط کئے تھے۔ معاہدے کے تحت ایران نے اس پر عائد اقتصادی پابندیوں کو ہٹانے کے عیوض اپنے جوہری پروگرام کو محدود کرنے پر اتفاق کیا تھا۔