پولیس افسران ایک بھارت، شریشٹھ بھارت کے علمبردار: وزیر اعظم مودی

وزیراعظم نریندر مودی نے کہا کہ پولیس افسر ایک بھارت، شریشٹھ بھارت کے علمبردار ہیں، اس لئے ان کے ہر کام میں قوم سب سے پہلے کے جذبے کی عکاسی ہونی چاہئے۔

ٹوئٹر
ٹوئٹر
user

یو این آئی

نئی دہلی: وزیراعظم نریندر مودی نے آج کہا کہ پولیس افسر ایک بھارت، شریشٹھ بھارت کے علمبردار ہیں، اس لئے ان کے ہر کام میں قوم سب سے پہلے کے جذبے کی عکاسی ہونی چاہئے۔

آج حیدرآباد پولیس اکیڈمی میں زیر تربیت انڈین پولیس سروس کے ٹرینیوں سے خطاب کرتے ہوئے مسٹر مودی نے کہا ’’آپ کو ہمیشہ یاد رکھنا ہوگا کہ آپ ایک بھارت ، شریشٹھ بھارت کے علمبردار ہیں۔ اس لئے آپ کے ہر ایکشن، آپ کی ہر سرگرمی میں قوم سب سے پہلے، ہمیشہ پہلے کا جذبہ جھلکنا چاہیے‘‘۔


انہوں نے ٹرینی افسران سے کہا کہ وہ ایسے وقت میں پولیس سروس میں شامل ہو رہے ہیں جب ملک میں ہر میدان اور ہر سطح پر تبدیلی کی لہر جاری ہے۔ انہوں نے کہا ’’آپ کے کیریئر کے آنے والے 25 سال ہندوستان کی ترقی کے سب سے اہم 25 سال بھی ہونے والے ہیں۔ لہذا آپ کی تیاری ، آپ کا مزاج اس بڑے ہدف کے مطابق ہونا چاہیے‘‘۔

آزادی کی جدوجہد میں نوجوانوں کی شرکت کا حوالہ دیتے ہوئے وزیر اعظم نے کہا ’’1930 سے 1947 کے درمیان ملک میں جو لہر اٹھی ، جس طرح ملک کے نوجوان آگے آئے ، پوری نوجوان نسل ایک مقصد کے لیے متحد ہو گئی ،آج آپ میں بھی یہی جذبہ متوقع ہے۔ اس وقت ملک کے لوگوں نے سوراج کے لیے جدوجہد کی۔ آج آپ کو سوراج کے لیے آگے بڑھنا ہے۔ اس سال 15 اگست کی تاریخ اپنے ساتھ 75 ویں سالگرہ لے کر آرہی ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔