پی این بی گھوٹالہ: بھگوڑے میہل چوکسی کے خلاف ای ڈی کی بڑی کارروائی

انفورسمنٹ ڈائریکٹوریٹ نے میہل چوکسی کی دوبئی واقع تین کاروباری ملکیتیں، قیمتیں چیزیں، ایک مرسڈیز بینز ای-280 اور میعادی جمع رقم ضبط کی ہے۔ چوکسی نے گزشتہ سال انٹگوا کی شہریت لے لی تھی۔

تصویر سوشل میڈیا
تصویر سوشل میڈیا

قومی آوازبیورو

پنجاب نیشنل بینک میں 13500 کروڑ روپے کی دھوکہ دہی کے معاملے میں انفورسمنٹ ڈائریکٹوریٹ (ای ڈی) نے جمعرات کو بھگوڑا ہیرا کاروباری میہل چوکسی کی کل 24.77 کروڑ روپے کی غیر منقولہ ملکیت ضبط کی ہے۔ اس میں قیمتی چیزیں، گاڑیاں اور بینک اکاؤنٹس شامل ہیں۔ پنجاب نیشنل بینک دھوکہ دہی سے جڑے معاملے میں یہ قانونی کارروائی کی گئی ہے۔

انفورسمنٹ ڈائریکٹوریٹ نے چوکسی کی دوبئی واقع تین کاروباری ملکیتیں، قیمتی چیزیں، ایک مرسڈیز بینز ای-280 اور میعادی جمع رقم ضبط کی ہے۔ چوکسی نے پچھلے سال انٹگوا کی شہریت لے لی تھی۔ چوکسی کے خلاف جرم کل قیمت 6097.73 کروڑ روپے کا ہے۔ انفورسمنٹ ڈائریکٹوریٹ نے اب تک 2534.7 کروڑ روپے کی ملکیت ضبط کی ہے۔

سی بی آئی اور انفورسمنٹ ڈائریکٹوریٹ کے ذریعہ معاملے میں چوکسی اور نیرو مودی کے خلاف جانچ کی جا رہی ہے۔ انفورسمنٹ ڈائریکٹوریٹ نے چوکسی سے خود سپردگی کا مطالبہ کیا ہے اور انفورسمنٹ ڈائریکٹوریٹ کے مطالبہ پر میہل چوکسی کے خلاف ریڈ کارنر نوٹس بھی جاری کیا گیا ہے۔