متھرا کے پٹاخہ بازار میں دیوالی پر آگ لگنے سے خوف و ہراس، کئی دکانیں جل کر خاکستر
متھرا کے تھانہ رایا علاقے میں پٹاخہ بازار میں واقع دکانوں میں زبردست آگ لگ گئی۔ اس آگ میں ڈیڑھ درجن دکانیں جل گئیں۔
ملک بھر میں دیوالی کی بہت دھوم ہے اور اس موقع پر اتر پردیش کے متھرا سے آگ لگنے کی خبر سامنے آئی ہے۔ دوسری جانب غازی آباد کے نندگرام تھانے کے درگا مندر کے نزدیک کباڑ اور لکڑی کے گودام میں زبردست آگ لگ گئی۔
نیوز پورٹل ’آج تک ‘ پر شائع خبر کے مطابق متھرا کے تھانہ رایا علاقے میں پٹاخہ بازار میں واقع دکانوں میں زبردست آگ لگ گئی۔ اس آگ میں ڈیڑھ درجن دکانیں جل گئیں۔ اس آگ میں کئی لوگ شدید جھلس چکے ہیں۔ اس واقعہ سے پورے علاقے میں کہرام مچ گیا ہے۔ واقعے کی اطلاع ملتے ہی فائر بریگیڈ کی گاڑیاں موقع پر پہنچ گئیں۔
فائر سروس کی پانچ گاڑیاں غازی آباد کے نند گرام پولیس اسٹیشن کے درگا مندر کے قریب کباڑ اور لکڑی کے گودام میں لگی بڑی آگ کو بجھانے میں مصروف ہیں۔
متھرا سے اس واقعے کا ویڈیو سامنے آیا ہے۔ ویڈیو میں دیکھا جا سکتا ہے کہ کس طرح دکانیں دھماکہ خیز آوازوں سے جل رہی ہیں۔ بتایا جاتا ہے کہ اس سنگین واقعہ میں کئی لوگ جھلس کر زخمی ہوئے ہیں اور انہیں علاج کے لئے ضلع اسپتال بھیجا گیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔