پاکستان کے سابق وزیر اعظم عمران خان کو جھٹکا! جی ایچ کیو حملہ کیس میں بھی گرفتار
سائفر کیس سمیت کئی مقدمات میں پہلے ہی سزا کاٹ رہے ہیں سابق پاکستانی وزیر اعظم عمران خان کو ایک اور کیس میں گرفتار کر لیا گیا ہے
اسلام آباد: پاکستان تحریک انصاف (پی ٹی آئی) کے بانی اور سابق وزیر اعظم عمران خان کو 9 مئی کے پرتشدد مظاہروں سے متعلق جی ایچ کیو حملہ کیس میں گرفتار کر لیا گیا ہے۔ ان کی گرفتاری اس وقت عمل میں آئی ہے جب وہ پہلے ہی کئی مقدمات کے تحت اڈیالہ جیل میں سزا کاٹ رہے ہیں۔
پاکستانی نیوز چینل اے آر وائی کے مطابق، راولپنڈی میں انسداد دہشت گردی کی عدالت (اے ٹی سی) نے عمران خان کو جی ایچ کیو حملہ کیس کے علاوہ میٹرو اسٹیشن پر آتشزدگی اور تشدد بھڑکانے سے متعلق دو دیگر مقدمات کے سلسلے میں 9 مئی 2023 کو طلب کیا تھا۔
سائفر اور بدعنوانی کے مقدمات میں اڈیالہ جیل میں سلاخوں کے پیچھے قید عمران خان نے ویڈیو لنک کے ذریعے عدالتی کارروائی میں حصہ لینے کے قابل تھے کیونکہ سکیورٹی خدشات کے باعث انہیں عدالت میں پیش نہیں کیا جا سکا۔
راولپنڈی کی انسداد دہشت گردی عدالت کے جج ملک اعجاز نے کیس کی سماعت کی جس سلسلے میں عمران خان کو عدالت میں طلب کیا گیا تھا تاہم جیل حکام نے انہیں پیش کرنے سے معذرت کر لی جس کے بعد ان کی ویڈیو لنک کے ذریعے پیشی یقینی بنائی گئی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔