نارتھ ایسٹ ایکسپریس حادثہ: آٹھ ٹرینیں منسوخ، 33 ٹرینوں کے روٹ تبدیل

حاجی پور: آنند وہار سے کامکھیا جانے والی نارتھ ایسٹ ایکسپریس کے ایسٹ سنٹرل ریلوے (ای سی آر) کے پٹنہ۔ پنڈت دین دیال اپادھیائے ریلوے لائن پر رگھوناتھ پور کے قریب کل رات 23 بوگیاں پٹری سے اترنے کے بعد، اس روٹ پر چلنے والی آٹھ ٹرینوں کو منسوخ کر دیا گیا، جبکہ 33 ٹرینوں کا رخ موڑ دیا گیا۔

ای سی آر کے چیف پبلک ریلیشن آفیسر وریندر کمار نے جمعرات کو کہا کہ مسافروں کی سہولت اور حفاظت کو مدنظر رکھتے ہوئے 12 اکتوبر کو کل آٹھ ٹرینوں کے آپریشن کو منسوخ کر دیا گیا ہے۔ ان ٹرینوں میں ٹرین نمبر 03230 پٹنہ-پوری اسپیشل، 03247 داناپور-بنگلور، 03225 داناپور-سکندرآباد، 13424 اجمیر-بھگلپور، 03620 پٹنہ-ساسارام ​​پیسنجر اسپیشل، 03617 آرا-بھبھوا روڈ پیسنجر، 03203 پٹنہ- پنڈت دین دیال اپادھیائے جنکشن (ڈی ڈی یو) پیسنجر اور 03375 پٹنہ-بکسر پیسنجر اسپیشل شامل ہیں۔

کمار نے کہا کہ 11 اکتوبر کو شروع ہونے والی ڈاؤن سمت کی 21 ٹرینوں کے روٹس کو تبدیل کر دیا گیا ہے۔ ان میں ٹرین نمبر 15548 لوک مانیہ تلک ٹرمینس (ایل ٹی ٹی) - ریکسول ایکسپریس کو ڈی ڈی یو-ساسارام -آرا کے راستے، 15945 ایل ٹی ٹی-ڈبروگڑھ ایکسپریس کو ڈی ڈیو-گیا-آسنسول-انڈال، 20802 مگدھ ایکسپریس کو ڈی ڈی یو-گیا-پٹنہ، 19483 احمدآباد-برونی ایکسپریس کو ڈی ڈی یو-ساسارام-آرا، 12362 سی ایس ایم ٹی-آسنسول ایکسپریس کو ڈی ڈی یو-گیا-دھنباد اور 22450 نئی دہلی-گوہاٹی ایکسپریس کو ڈی ڈی یو-گیا-آسنسول کے راستے چلایا جارہا ہے۔

چیف پبلک ریلیشن آفیسر نے بتایا کہ اسی طرح ٹرین نمبر 19313 اندور-پٹنہ ایکسپریس کو ڈی ڈی یو- گیا- پٹنہ، 15657 نئی دہلی- کامکھیا ایکسپریس کو ڈی ڈی یو- گیا- کیول، 12791 سکندرآباد- دانا پور ایکسپریس کو ڈی ڈی یو- ساسارم- آرا، 13240 کوٹا-پٹنہ ایکسپریس کو ڈی ڈی یو-گیا-پٹنہ، 11123 گوالیار-برونی ایکسپریس کو ڈی ڈی یو-ساسارام-آرا-پاٹلی پترا، 05216 یشونت پور-برونی اسپیشل کو ڈی ڈی یو-گیا-پٹنہ، 13414 دہلی -مالدا ٹاؤن فرکا ایکسپریس کو ڈی ڈی یو۔ گیا کیول، 13202 لوک مانیہ تلک-پٹنہ ایکسپریس کو ڈی ڈی یو- گیا پٹنہ کے راستے منزل کی طرف روانہ کی گئی ہے۔