تہوارکے موقع پر ہر چیز کی قیمت آسمان پر ، پرینکا گاندھی

حزب اختلاف نے یہ بھی الزام لگایا ہے کہ یہ تخفیف بھی ضمنی انتخابات میں حکمراں جماعت کو ملی شکست کا نتیجہ ہے۔

تصویر آئی اے این ایس
تصویر آئی اے این ایس
user

قومی آوازبیورو

کانگریس جنرل سکریٹری پرینکا گاندھی اور بہوجن سماج پارٹی(بی ایس پی) سپریمو مایاوتی نے مہنگائی کے سلسلے میں بی جے پی حکومت کو ہدف تنقید بنایا ہے ۔پرینکا نے ٹوئٹ میں لکھا' تہوار کا وقت ہے مہنگائی سے عوام پریشان ہیں بی جےپی حکومت کی لوٹ والی سوچ نے تہوار سے پہلے مہنگائی کم کرنے کے بجائے گیس سلنڈر، پٹرول-ڈیزل، تیل، سبزی کی قیمتیں آسمان پر پہنچادی ہیں۔ انتخابات کے وقت بی جے پی1-2روپئے کم کر کے عوام کے درمیان جائے گی تب اسے سخت جواب ملے گا۔ عوام معاف نہیں کریں گے۔

ادھر بی ایس پی سپریمو نے ٹوئٹ میں لکھا' مرکزی و سبھی ریاستی حکومتیں بھی لوگوں کے روز مرہ کی ضروری اشیاء خاص کر اشیاء خوردنی وغیرہ کی قیمتوں کو کنٹرول کرنے میں پوری طرح سے ناکام رہی ہے۔ جس کا اثر عوامی زندگی کے ساتھ ساتھ دیوالی جیسے خاص تیوہار پر بھی پڑا ہے۔ سرکاریں اس جانب دھیان دیں۔


قابل ذکر ہے کہ گزشہ مہینوں میں پٹرولیم مصنوعات اور خوردنی تیلوں کی قیمتوں میں لگاتار اضافہ سے سماج کے مڈل اور لور کلاس پر کافی اثر پڑا ہے۔ مہنگائی کے سلسلے میں سماج وادی سربراہ بھی وقت وقت پر بی جے پی حکومت کو ہدف تنقید بناتے رہے ہیں۔

واضح رہے کل پیٹرول اور ڈیزل کی ڈیوٹی میں کمی کر کے حکومت نے کچھ راحت دی ہے لیکن حزب اختلاف نے الزام لگایا ہے کہ جب کچے تیل کی قیمتیں عالمی منڈی میں سال 2014 سے بھی کم ہیں تو پھر قیمتیں کم از کم سال 2014 کی قیمتوں کے برابر تو کر دینی چاہئے۔ حزب اختلاف نے یہ بھی الزام لگایا ہے کہ یہ تخفیف بھی ضمنی انتخابات میں حکمراں جماعت کو ملی شکست کا نتیجہ ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔