مہاراشٹر میں ابھی پابندیاں ختم نہیں ہوئیں ہیں، اَن لاک پروزیراعلیٰ دفتر کی وضاحت

مہاراشٹرکےوزیربرائے امداد باہمی نے آج ریاست کے 18اضلاع میں ان لاک کااعلان کردیاتھا اور ان کے اس اعلان کے بعد ریاست بھر میں لوگوں نے اطمینان کی سانس لی تھی مگر اس اعلان کے ایک گھنٹہ بعد ہی وزیراعلیٰ دفتر نے ایک وضاحتی بیان جاری کرتے ہوئے کہا کہ ابھی انلاک کااعلان نہیں کیاگیاہے اورپابندیاں برقراررہیں گی۔اس لئے کل 4جون سے ریاست کے جن اضلاع میں ان لاک کااعلان کیاگیاتھاوہ فی الحال ملتوی کیاگیا ہے جسے مرحلہ وار نافذ کیاجائے گا۔

وزیر اعلی کے دفتر نے کہا کہ COVID-19 کی وجہ سے جاری لاک ڈاون جیسی پابندیوں کو ریاست میں کہیں بھی نہیں اٹھایا گیا ہے اور ابھی کوئی حتمی فیصلہ ہونا باقی ہے۔وزیراعلی دفتر کی جانب سے جاری کردہ بیان کے بعد ڈیزاسٹر منیجمنٹ کے وزیر نے بعد میں کہا کہ صرف "اصولی طور پر” پابندیوں کو ختم کرنے کی منظوری دی گئی تھی ، لیکن کوئی فیصلہ نہیں لیا گیا ہے۔ا ن لاک کے فیصلہ پرحکومت میں ہی ”ان لاک“ہے یعنی اتفاق رائے نہیں ہے جس پر اپوزیشن بی جے پی نے سخت تنقید کی ہے اورعوام کیساتھ مذاق کیاجارہا ہے ۔

مہاراشٹر میں ان دو اعلانات سے ریاست کے عوام کنفیوژن کا شکار ہوئے ۔کچھ لوگوں نے جہاں ان لاک کے اعلان کے بعد اپنےمنصوبہ بنانے شروع کر دئے تھےان کو وضاحتی بیان سے الجھن پیدا ہو ئی ہے۔ واضح رہے مہاراشٹر جو وبا سے سب سے زیادہ متاثر تھا اب وہاں حالات نارمل نظر آ رہےہیں ۔