نتیش نے دیا بی جے پی کو جھٹکا، کہا نہیں لاگو کریں گے این آر سی

بہار کی سیاست ایک مرتبہ پھر گرم ہو گئی ہے کیونکہ بہار کے وزیر اعلی نے بیان دیا ہے کہ وہ این آ ر سی لاگو نہیں کریں گے۔

فائل تصویر آئی اے این ایس 
فائل تصویر آئی اے این ایس
user

قومی آوازبیورو

بہار کی سیاست ایک مرتبہ پھر گرم ہو گئی ہے کیونکہ بہار کےوزیر اعلی نتیش کمار نے بیان دیا ہے کہ وہ بہار میں این آ ر سی لاگو نہیں کریں گے ۔این آر سی اور سی اے اے نتیش کی اقتدار میں ساتھی جماعت بی جے پی کا پسندیدہ مدا ہے۔ نتیش کا بیان اس وقت آیا ہے جب بی جے پی یہ اعلان کر چکی ہے کہ وہ مغربی بنگال میں این آر سی لاگو کرے گی اور اس کو وہ بڑا انتخابی مدا بنانے جا رہی ہے۔ مغربی بنگال کی انتخابی تیاریوں کے حساب سے بی جے پی کے لئے بڑ ا جھٹکاہے۔

سیاسی مبصرین کا کہنا ہے کہ نتیش کمار نے یہ بیان ایسے ہی نہیں دے دیا ہے بلکہ وہ بی جے پی کے سخت رویہ سے پریشان ہیں ۔ اسمبلی انتخابات میں جنتا دل یو کی سیٹیں کم ہو گئیں اور بی جے پی دوسرے نمبر کی پارٹی بن کر سامنے آئی ہے اس لئے بہار حکومت میں وزیر اعلی چاہے جنتا دل یو کے نتیش کمار ہوں لیکن بی جے پی کا رویہ اس بڑے بھائی والا ہے جو اپنی مرضی چلاتا ہے۔


دراصل نتیش کمار اس بات سے بھی ناراض ہیں کہ بی جے پی نے اس کے اروناچل اسمبلی کےارکان اسمبل کو اپنی پارٹی میں شامل کر لیا ۔ اس بات کو لے کر جنتا دل یو میں کافی ناراضگی ہے اور وہ سوال کر رہے ہیں کہ بی جے پی ان کی اتحادی پارٹی ہے یا مخالف پارٹی ہے۔

واضح رہے جہاں نتیش نے پارٹی کا نیا صدر بنا دیاہے وہیں بہار میں یہ باتیں بھی خوب زورشور سے چل رہی ہیں کہ بہار کی حکومت جلد ہی گرنے والی ہے اورتیجسوی کی قیادت میں نئی حکومت تشکیل ہونے جا رہی ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔