نائٹ کلب کے مالک کو لوہے کی راڈ سے مارا، گولیاں چلائیں

ایک نائٹ کلب کے مالک پر دو افراد نے مبینہ طور پر بھتہ خوری کے معاملے میں لوہے کی سلاخ سے حملہ کیا جب انہوں نے کل صبح دہلی-گروگرام سرحد کے قریب گولیاں چلاتے ہوئے اس کی کار کا پیچھا کیا۔

نیوز پورٹل ’این ڈی ٹی وی ‘ پر شائع خبر کے مطابق گروگرام میں کنگ کلب کا مالک سندر، صبح 8 بجے کے قریب کلب سے گھر واپس آرہا تھا کہ اس پر حملہ ہوا۔وہ اس کی گاڑی پر فائرنگ کرتے ہوئے اس کا پیچھا کرتے رہے، اور ایک عینی شاہد کے مطابق، پیچھا کرتے ہوئے وہ دہلی میں داخل ہو گئے ۔ انہوں نے اسے فتح پور بیری کے قریب روکا اور دن دیہاڑے لوہے کی راڈ  سے مارا۔

واضح رہے وہ اس کی لاش سڑک کے بیچوں بیچ کمبل کے نیچے چھوڑ کر فرار ہوگئے۔پولیس نے بتایا کہ گروگرام میں دو اور دہلی کے فتح پور بیری میں تین راؤنڈ فائر کیے گئے، لیکن اس فائرنگ میں سندر زخمی نہیں ہوا۔ پولیس نے بتایا کہ حملے میں اس کے سر، بازو اور ٹانگوں پر چوٹیں آئیں۔

موقع سے تین خالی کارتوس ملے۔ متاثرہ شخص کی ایک تباہ شدہ کار بھی سڑک کے کنارے سے ملی ہے۔نائٹ کلب کے مالک کو اس کے اہل خانہ نے شدید زخمی حالت میں اسپتال میں داخل کرایا جبکہ پولیس کی ٹیم تحقیقات کے لیے موقع پر پہنچ گئی ہے۔ ڈپٹی کمشنر آف پولیس (جنوبی) چندن چودھری نے کہا کہ حملہ کے پیچھے پیسوں کے لین دین پر جھگڑا سمجھا جا رہا ہے۔