’جنتا کرفیو‘ نہیں ماننے والوں پر جرمانے کی بات افواہ: پولس

نئی دہلی: دہلی پولس نے کہا ہے کہ کرونا وائرس پھیلنے سے روکنے کے لئے ’جنتا کرفیو‘ کے نفاذ کے لئے سختی اور جرمانے لگانے کے لئے کوئی سرکاری اعلان نہیں کیا گیا ہے اور یہ پوری طرح فرضی ہے۔

سوشل میڈیا پر وائرل ہورہے اس طرح کی ایک اطلاع میں دہلی پولس کے حوالے سے بتایا گیا ہے کہ اتوار کو دہلی میں اگر کوئی شخص بغیر کسی بڑی وجہ کے گھومتا ہوا ملا، دکان کھولتا ہو پایا گیا تو اس پر 11 ہزار روپے کا جرمانہ لگایا جائے گا۔ دہلی پولس نے اس کی تردید کرتے ہوئے وائرل پیغام کو فرضی قرار دیا ہے۔

جنوبی دہلی اور جنو ب مشرقی دہلی کے پولس کمشنروں نے سوشل میڈیا پر چلائی جارہی دہلی پولس کی لوگو کے ساتھ نوٹس کا اشتراک کرتے ہوئے ٹوئٹر پر لکھا کہ یہ ایڈوائزری پوری طرح فرضی ہے۔ ہم نے 22 مارچ کو جرمانہ لگانے کی کوئی ایڈوائزری جاری نہیں کی ہے۔ مہربانی کرکے اپنے اہل خانہ اور دوستوں کو بتائیں کہ یہ پوری طرح غلط اور فرضی ہے۔