دہلی کےجواہر لال نہرو اسٹیڈیم کو كوارنٹائن سینٹر بنانے کا حکم

پوری دنیا میں کورونا وائرس کا خوف چھایا ہوا ہے اور اس کا واحد علاج ایک دوسرے سے دوری بنائے رکھنا ہے اور اس کے لئے اس سے متاثر افراد کو علیحدہ رکھنا ایک مسئلہ بنا ہواہے۔ متاثرین کو علیحدہ رکھنے کے لئے کوارنٹائن مراکز بنائے جا رہےہیں اسی کے پیش نظر دہلی کے جواہر لال نہرو اسٹیڈیم کو کورونا وائرس (كووڈ- 19) وبا کے پیش نظر كوارنٹائن سینٹر بنانے کا حکم دیا گیا ہے۔

دہلی ڈیزاسٹر مینجمنٹ اتھارٹی (ڈي ڈی ایم اے) کی صدر اور جنوب مشرقی ضلع کی سربراہ اور ضلع مجسٹریٹ ہرلين کور نے پیر کو دیر شب یہ حکم دیا۔ محترمہ کور نے اسٹیڈیم کو كوارٹانن مرکز بنانے کیلئے فوری طور پراسے ضلع انتظامیہ کو سونپنے کا حکم دیا ہے۔

دہلی میں آنے والے دنوں میں کورونا وائرس کے پھیلنے کی ممکنہ صورت حال سے نمٹنے کے لیے یہ قدم اٹھایا گیا ہے۔

دہلی میں اس وبا کے متاثرین کی تعداد بڑھ کر 87 ہو گئی اور جبکہ دو افراد کی موت ہو چکی ہے اور چھ افراد کو ٹھیک ہونے کے بعد اسپتال سے چھٹی دے دی گئی ہے۔