این سی پی کی مضبوط آواز تھے ڈی پی ترپاٹھی: شرد پوار

نئی دہلی: نیشنلسٹ کانگریس پارٹی (این سی پی) کے سربراہ شردپوار نے پارٹی کے جنرل سکریٹری دیوی پرساد ترپاٹھی کی موت پر شدید افسوس کا اظہار کرتے ہوئے جمعرات کو کہا کہ ان کی موت کے سبب پارٹی نے ایک مضبوط آواز کو کھو دیا ہے۔

شرد پوار نے کہا، ’اپنی نیشنلسٹ کانگریس پارٹی کے جنرل سکریٹری دیوی پرساد ترپاٹھی کی موت پرشدید تعزیت کا اظہار کرتے ہوئے کہا کہ ان کے جانے سے پارٹی نے ایک مضبوط آواز کھو دی ہے۔

شرد پوار نے کہا کہ ’’اپنی این سی پی کے جنرل سکریٹری ڈی پی ترپاٹھی جی کی موت کی خبر سن کر بہت تکلیف ہوئی۔ سیاست میں وہ تنوع، عقلیت اور محنت کے ایک مثالی امتزاج تھے۔ ترجمان اور جنرل سکریٹری کے طور پر ایک مضبوط آواز بن کر وہ میری پارٹی کے پیروکار رہے۔‘‘

این سی پی کی لوک سبھا رکن سپریا سولے نے بھی ترپاٹھی کی موت پر شدید تکلیف کا اظہار کیا اور کہا، ’’ڈی پی ترپاٹھی کی موت کی خبر سن کر وہ بے حد غمزدہ ہیں۔ ہم ان کی حصہ داری کو ہمیشہ یاد رکھیں گے۔ میں ان کی روح کے سکون کی دعا کرتی ہوں اور ان کے اہل خانہ کے تئیں تعزیت کا اظہار کرتی ہوں۔‘‘

سابق راجیہ سبھا کے رکن ترپاٹھی طویل عرصے سے علیل تھے۔ سیاست میں ڈی پی ترپاٹھی کے نام سے معروف دیوی پرساد ترپاٹھی نے آج صبح سوا نو بجے یہاں اپنی رہائش گاہ پر آخری سانس لی۔