این سی ای آر ٹی کا 2020-21 کا نیا روڈ میپ جاری

نئی درسی کتابوں کو نصاب فریم ورک کی بنیاد پر تیار کرنے کا حکم دیا گیا ہے اور دسمبر تک اس بارے میں آخری رپورٹ دینے کی بات کہی گئی ہے۔

سوشل میڈیا
سوشل میڈیا
user

یو این آئی

مرکزی فروغ انسانی وسائل کی وزارت نے سال 2020 -21 کے لئے تعلیمی تحقیق و تربیت کی قومی کونسل(این سی ای آر ٹی) کا نیا روڈ میپ جاری کردیا ہے۔ اس روڈ میپ میں قومی نصاب فریم ورک کو اگلے سال مارچ تک تیار کرنے کا حکم دیا گیا ہے اور لرننگ آؤٹ کم کو پورا کرنے کا وقت مقرر کیا گیا ہے۔

نئی درسی کتابوں کو نصاب فریم ورک کی بنیاد پر تیار کرنے کا حکم دیا گیا ہے اور دسمبر تک اس بارے میں آخری رپورٹ دینے کی بات کہی گئی ہے۔ روڈ میپ کے تحت ستمبر تک پہلی کلاس سے پانچویں کلاس تک کے لئے لرننگ آؤٹ کم کو پورا کرنے کی بات کہی گئی ہے جبکہ چھٹی سے بارہویں کلاس تک کے لئے اگلے سال مارچ تک اسے پورا کرنے کا حکم دیا گیا ہے۔


اس کے علاوہ پہلی کلاس سے پانچویں کلاس کے اساتذہ کی ٹیچر ٹریننگ دسمبر تک مکمل کرنےکی حد مقرر کی گئی ہے۔ جبکہ چھٹی سے بارہویں کلاس تک کے لئے اگلے برس جون تک وقت کی حد طے کی گئی ہے۔ اس کے علاوہ پہلی سے پانچویں کلاس کے لئے کورونا وبا سے جڑی مطالعاتی مواد کو دسمبر تک پورا کرنے اورچھٹی سے بارہویں کلاس تک کے لئے جون تک مکمل کرنے کا حکم دیا گیا ہے۔

نئے روڈ میپ میں پہلی کلاس سے پانچویں کلاس تک کے لئے لرننگ آؤٹ کم کے تحت ہر سبجیکٹ میں کم سے کم دس سوالات یقینی بنانے کا حکم دیا گیا ہے جبکہ باقی کلاسوں کے لئے وقت کی حد مارچ 2021 طے کی گئی ہے۔ روڈ میپ میں کہا گیا ہے کہ قومی نصاب فریم ورک تیار کیا جارہا ہے اور این سی ای آر ٹی سے امید کی جاتی ہے کہ وہ نئے فریم ورک کے تحت درسی کتب میں تبدیلی کریں۔ اس معاملے میں ہر موضوع کے ماہرین اپنی رائے دیں گے اور دسمبر 2020 تک اپنی آخری رپورٹ پیش کریں گے۔


اس میں یہ بھی کہا گیا ہے کہ درسی کتب کو پھر سے تیار کرتے وقت اس بات کو یقینی بنایا جائے کہ اس کے اصل کنٹینٹ موجود رہے۔ فریم ورک میں تخلیقیت، فن، مہارت اور ہندوستانی اقداراور ملک کی یکجہتی کو برقرار رکھا جائے اور مارچ 2021 تک نیا فریم ورک تیار ہوجائے گا۔ اس کے علاوہ خودانحصار ہندوستان کی سمت میں پی ایم ویدھا کو تیارکرنے کے لئے پہلی کلاس سے بارہویں کلاس تک ’سوئین پربھا چینل‘ اگست سے شروع کئے جائیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔