میرے حامیوں کو گرفتار کیا جا رہا ہے: ساکشی ملک

ساکشی نے ٹوئٹ کیا کہ میرے بین الاقوامی بھائیو، ہمارے وزیر اعظم پارلیمنٹ کی نئی عمارت کا افتتاح کر رہے ہیں، لیکن دوسری طرف ہمارے ساتھ کھڑے ہونے پر ہمارے حامیوں کو گرفتار کیا جا رہا ہے۔

<div class="paragraphs"><p>ساکشی ملک، تصویر آئی اے این ایس</p></div>

ساکشی ملک، تصویر آئی اے این ایس

user

یو این آئی

نئی دہلی: اولمپک میڈلسٹ پہلوان ساکشی ملک نے اتوار کو بین الاقوامی ایتھلیٹ برادری کی توجہ اپنے مظاہرے کی طرف مبذول کراتے ہوئے کہا کہ جہاں ایک طرف ہندوستان کے وزیر اعظم نو تعمیر شدہ پارلیمنٹ ہاؤس کا افتتاح کر رہے ہیں، وہیں دوسری طرف ان کے (ساکشی) حامیوں کو گرفتار کیا جا رہا ہے۔

ساکشی نے ٹوئٹ کیا کہ میرے بین الاقوامی بھائیو، ہمارے وزیر اعظم پارلیمنٹ کی نئی عمارت کا افتتاح کر رہے ہیں، لیکن دوسری طرف ہمارے ساتھ کھڑے ہونے پر ہمارے حامیوں کو گرفتار کیا جا رہا ہے۔ لوگوں کو گرفتار کر کے ہم خود کو جمہوریت کی ماں کیسے کہہ سکتے ہیں؟ ہندوستان کی بیٹیاں تکلیف میں ہیں۔


دریں اثنا، ونیش پھوگاٹ نے ساکشی کے ٹوئٹ کو ری ٹوئٹ کرتے ہوئے کہا کہ جنتر منتر پر جمہوریت کا کھلے عام قتل کیا جا رہا ہے۔ ایک طرف وزیراعظم نے جمہوریت کی نئی عمارت کا افتتاح کیا ہے۔ دوسری طرف ہمارے لوگوں کی گرفتاریاں جاری ہیں۔ اس سے قبل ٹوکیو اولمپکس کی گولڈ میڈلسٹ اور تین بار کی عالمی چیمپئن جاپان کے ریساکو کوائی ٹاپ ہندوستانی پہلوانوں کی حمایت میں سامنے آئی تھیں۔

پارلیمنٹ سے تقریباً دو کلومیٹر دور جنتر منتر پر احتجاج کرنے والے پہلوانوں نے کہا تھا کہ وہ کسی بھی قیمت پر نئی عمارت کے قریب اپنی 'مہیلا مہاپنچایت' منعقد کریں گے۔ دریں اثنا، دہلی پولیس نے واضح کر دیا ہے کہ احتجاج کرنے والے پہلوانوں کو پارلیمنٹ کی نئی عمارت کے قریب جانے کی اجازت نہیں دی جائے گی۔ بجرنگ پونیا اور ساکشی ملک کے ٹویٹس کے مطابق، پولیس نے تینوں ٹاپ ریسلرز کو اپنی تحویل میں لے لیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔