سبسڈی خاتمے کے بعد بھی حج مہنگا نہیں ہوا:مختار عباس نقوی

دوسال کے بعد حج پر حجاج جا رہے ہیں اور سعودی عرب حکومت نے دیگر سہولیات کے ساتھ ساتھ حجاج کرام کو زیادہ سے زیادہ سہولیات فراہم کی ہیں۔

فائل تصویر آئی اے این ایس
فائل تصویر آئی اے این ایس
user

یو این آئی

ممبئی سے عازمین حج کے پہلے قافلہ کومرکزی وزیر برائے اقلیتی امورمختار عباس نقوی نےروانہ کیاتو ممبئی کا سہارانٹرنیشنل حج ٹرمنل ’لبیک اللہم لبیک ‘کے نعروں سےگونج اٹھا۔اس موقع پر عازمین حج اور ان کےرشتہ دارانتہائی جذباتی نظرائے اور یہ روحانی مناظر دیکھ کر سبھی کی آنکھیں نم ہو گئیں۔عازمین حج کو الوداع کرتے ہوئے مرکزی وزیر نے کہاکہ ہند وستانی عازمین حج ، پوری انسانیت کے سکھ ، خوشحالی اور ہرطرح کی مشکلات سے محفو ظ ر ہنے کی دعامانگیں۔ انہوں نے اس موقع پر عازمین حج کو نیک خواہشات پیش کیں۔

انہوں نے دعویٰ کیا کہ حج سبسڈی کے خاتمے سے حج کے اخراجات پر کوئی اثر نہیں پڑا ہے ۔ اس موقع پر انہون نےکہا کہ دوسال کے بعد حج پر حجاج جا رہے ہیں اور سعودی عرب حکومت نے دیگر سہولیات کے ساتھ ساتھ حجاج کرام کو زیادہ سے زیادہ سہولیات فراہم کی ہیں۔


اس موقع ممبئی میں رائل قونصل جنرل آف سعودی عرب سلیمان بن آل آید ،چئیرمین عبداللہ کٹی ، حج کمیٹی آف انڈیا کے سی ای او جناب محمد یعقوب شیخ،سپرٹینڈنٹ حیدرپاشا، سابق ریاستی حج کمیٹی صدر بھائی جان ،زائرین ٹور کے روح رواں ذکاء اللہ صدیقی،اور دیگر سینئر آفیسران موجود رہے ۔

واضح رہے کہ ممبئی مرکز سے حج پر جانے والے اس پہلے قافلے میں مہاراشٹر کے 410 / عازمین حج شامل ہیں جن میں 207 مرد عازمین حج اور 203 خواتین عازمین حج ہیں ۔ ممبئی مرکز سے تقریباً آٹھ ہزار ( 8000 ) عازمین حج انیس ( 19 ) پروازوں کے ذریعہ حج 2022 پر جائیں گے ۔


نقوی نے کہا کہ ہم اصلاحات ، صدفیصد ڈیجیٹل انتظامات اور بہتر سہولیات کے ساتھ حج 2022 ، کامیابی سے چل رہا ہے ۔ حج 2022 کے لئے پروازیں 14 جون 2022 ء سے شروع ہوئی ہیں ۔ حج - 2022 ء کے لئے حج کمیٹی آف انڈیا کے ذریعہ عازمین حج دس ( 10 ) مرا کر سے روانہ کیے جار ہے ہیں ۔ احمد آباد ، بینگلور ، کوچی ، دلی ، گواہائی ، حیدرآباد ، کولکاتہ ، لکھنو ، ممبئی اور سرینگر شامل ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔