ممبئی میں حج 2022 کا اعلان، موبائل ایپ اور وقف دفاتر میں درخواستیں دی جاسکیں گی

جنوری 2022 تک درخواستیں وصول کی جائیں گی۔انڈونیشیا کے بعد ہندوستان دنیا کا دوسرا ملک ہے، جہاں سے تقریباً دو لاکھ مسلمان حج کو جاتے ہیں۔

فائل تصویر آئی اے این ایس
فائل تصویر آئی اے این ایس
user

یو این آئی

کل ممبئی میں مرکزی وزیر برائے اقلیتی امور اور ڈپٹی لیڈر راجیہ سبھا مختار عباس نقوی نے حج 2022 کا اعلان کرتے ہوئے کہا کہ اس بار سے موبائل ایپ اورملک بھر کے وقف دفاتر میں بھی درخواستیں دی جاسکیں گی اور ملک بھر سے 10، مقامات سے حجاج کرام فریضہ حج کے لیے روانہ ہوں گے۔ انہوں نے اس بات پر فخر کا اظہار کیا کہ انڈونیشیا کے بعد ہندوستان دنیا کا دوسرا ملک ہے، جہاں سے تقریباً دو لاکھ مسلمان حج کو جاتے ہیں۔ جنوری 2022 تک درخواستیں وصول کی جائیں گی۔

واضح رہے کہ کوروناوباء کی وجہ سے دوسال سے سعودی عرب کے علاؤہ کسی ملک سے حجاج کرام کو اجازت نہیں دی گئی تھی ،لیکن حج دوہزاربائیس میں حج ممکن ہوسکے گا۔اس لیے حج کمیٹی آف کمیٹی نے آج یہاں حج 2022 کا اعلان کردیا ہے۔جس کی مکمل تفصیل وزیر موصوف نے پیش کی اور امید ظاہر کی کہ ماضی کی طرح اس مرتبہ بھی حج پرامن اور بہتر انداز میں تکمیل کو پہنچے گا۔


اس اعلان کے بعد حج پر جانے والے خواہشمند حظرات میں ایک خوشی کی لہر دوڑ گئی ہے کیونکہ دو سال سے کورونا وبا کی وجہ سے بیرون ممالک سے حجاج کے جانے کی اجازت نہیں تھی۔ ریاستی حج کمیٹیوں نے بھی اس اعلان کے مطابق اپنے شیڈیول کا اعلان کر دیا ہے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔