بھارت جوڑو یاترا: روہت ویمولا کی ماں کا اظہار یگانگت

کانگریس کے سابق صدر راہل گاندھی کی بھارت جوڑ ویاترا میں روہت ویمولا کی ماں نے بھی شرکت کرتے ہوئے اس یاترا پر یگانگت کا اظہار کیا۔ روہت ویمولا، یونیورسٹی آف حیدرآباد کا دلت طالب علم تھا جس نے مبینہ ہراسانی پر سال 2016 میں خودکشی کر لی تھی اور یہ معاملہ قومی سطح پر چھا گیا تھا۔

حیدرآباد میں راہل گاندھی کی بھارت جوڑو یاترا کے موقع پر آج روہت ویمولا کی ماں نے صبح میں کچھ فاصلہ راہل گاندھی کے ساتھ طے کیا اور اس یاترا سے یگانگت کا اظہار کیا۔ انہوں نے راہل گاندھی پر زور دیا کہ وہ بی جے پی اور آر ایس ایس کے حملہ سے دستور کے تحفظ کو یقینی بنائیں۔

اس موقع پر روہت ویمولا کی والدہ نے راہل گاندھی سے کہا کہ روہت ویمولا کو انصا ف دلائیں، روہت ایکٹ نافذ کریں، اعلی عدالتوں میں دلتوں کی نمائندگی میں اضافہ کریں اورتمام کے لئے تعلیم کا انتظام کریں۔ کانگریس پارٹی کے ٹوئٹر ہینڈل اور دیگر جماعتوں کے ٹوئٹر ہینڈلوں پر راہل گاندھی کے ساتھ ان کی ملاقات اور  کچھ  فاصلہ تک اس یاترا کا حصہ بننے کی تصاویر کو پوسٹ کیا گیا ہے۔