ایران میں کورونا کے 15 ہزار سے زائد نئے معاملے، 284 مریض فوت
ملک میں جمعہ تک تین کروڑ سات لاکھ 380 افراد کو کورونا ویکسین کی پہلی خوراک اور ایک کروڑ 50 لاکھ 93 ہزار 292 لوگوں کو دونوں خوراکیں دی گئی ہیں۔
تہران: ایران میں کورونا انفیکشن کے تیزی سے بڑھتے ہوئے کیسز کے درمیان گزشتہ 24 گھنٹوں کے دوران کووڈ- 19 کے 15294 نئے معاملے سامنے آئے ہیں، جس سے ملک میں متاثرہ افراد کی تعداد بڑھ کر 55 لاکھ آٹھ ہزار 885 ہوگئی۔
یہ بھی پڑھیں : سعودی عرب: قومی دن کی فوجی پریڈ میں خواتین کی پہلی بار شرکت
ایران کی وزارت صحت اور طبی تعلیم نے بتایا کہ گزشتہ 24 گھنٹوں میں 284 افراد ہلاک ہوئے اور اس وبا سے ہلاک ہونے والوں کی تعداد 118792 ہو گئی ہے۔ وزارت کے مطابق ملک بھر میں کل 48 لاکھ 97 ہزار 876 افراد صحت یاب ہوچکے ہیں یا انہیں اسپتالوں سے فارغ کر دیا گیا ہے، جبکہ 6502 افراد انتہائی نگہداشت یونٹوں میں داخل ہیں۔
ملک میں جمعہ تک تین کروڑ سات لاکھ 380 افراد کو کورونا ویکسین کی پہلی خوراک اور ایک کروڑ 50 لاکھ 93 ہزار 292 لوگوں کو دونوں خوراکیں دی گئی ہیں۔ ایران میں فروری 2020 میں کووڈ 19 کا پہلا کیس سامنے آیا تھا۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔