دنیا کے 100 بااثرافراد میں مودی ، ممتا ، پونا والا کا نام، ممتا کو کہا کہ وہ خود پارٹی ہیں

ٹائم پروفائل میں کہا گیا ہے کہ آزادی کے بعد 74 برسوں میں ہندوستان کے تین اہم لیڈر رہے ہیں - جواہر لال نہرو ، اندرا گاندھی اور نریندر مودی ۔

فائل تصویر آئی اے این ایس
فائل تصویر آئی اے این ایس
user

یو این آئی

عالمی شہرت یافتہ امریکی ٹائم میگزین نے وزیر اعظم نریندر مودی ، مغربی بنگال کی وزیر اعلیٰ ممتا بنرجی اور سیرم انسٹی ٹیوٹ کے چیف ایگزیکٹو آفیسر (سی ای او) آدر پونا والا کو سال 2021 کے لیے بااثر شخصیات کی فہرست میں شامل کیا ہے۔

میگزین نے بدھ کے روز دنیا کے 100 بااثر افراد کی فہرست جاری کی ،جس کو چھ زمروں میں تقسیم کیا گیا ۔ ٹائم میگزین کےذمرے میں لیڈر ، آرٹسٹ ، پاینیر ، آئیکن ، ٹائٹن اور موجد شامل ہیں۔ ان تمام زمروں میں پوری دنیا کے مختلف لوگوں کو شامل کیا گیا ہے ۔ میگزین نے اپنی فہرست میں امریکی صدر جو بائیڈن ، امریکی نائب صدر کملا ہیرس ، چینی صدر شی جن پنگ ، ڈیوک اور پرنس ہیری اور میگھن اور سابق امریکی صدر ڈونلڈ ٹرمپ کا نام بھی شامل ہے ۔


قابل ذکر ہے کہ ’ٹائم‘ میگزین کی اس فہرست کوسب سے قابل اعتماد سمجھا جاتا ہے۔ میگزین کے ایڈیٹر اس فہرست کو تیار کرنے کے لیے سخت محنت کرتے ہیں اور جن لوگوں کو اس میں شامل کیا جاتا ہے ان کے بہترین کام کو مدنظر رکھتے ہوئے یہ اعزاز دیا جاتا ہے۔

وزیر اعظم مودی کے ٹائم پروفائل میں کہا گیا ہے کہ آزادی کے بعد 74 برسوں میں ہندوستان کے تین اہم لیڈر رہے ہیں - جواہر لال نہرو ، اندرا گاندھی اور نریندر مودی ۔ وہیں ممتا بنرجی کی پروفائل میں کہا گیا ہے کہ وہ اپنی پارٹی ترنمول کانگریس کی قیادت نہیں کرتی ، بلکہ وہ خود پارٹی ہے۔ پونا والا کےپروفائل میں گیا ہے کہ کورونا وبا ابھی ختم نہیں ہوئی ہے اور پونا والا اب بھی اسے ختم کرنے میں مدد کر سکتے ہیں ۔ ویکسین کی تفاوت اب بھی بہت زیادہ ہے اور دنیا کے ایک حصے میں ویکسینیشن میں تاخیر کے عالمی نتائج ہوسکتے ہیں ، جس میں زیادہ خطرناک ویرئنٹ کے ابھرنے کا خطرہ شامل ہے ۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔