منی پور: کورونا ’ایس او پی‘ کی خلاف ورزی پر اب تک 2 کروڑ روپے کا جرمانہ وصول
پولیس نے ایس او پی کی خلاف ورزی کے الزام میں 51850 گاڑیوں کو بھی ضبط کیا ہے۔ ریاست کے تین اضلاع تمبل، امپھال ویسٹ اور امپھال مشرق اضلاع میں سب سے زیادہ خلاف ورزیوں کی اطلاع سامنے آئی ہیں۔
امپھال: منی پور میں گزشتہ سال کورونا وائرس انفیکشن کے اسٹینڈرڈ آپریٹنگ پروسیجر (ایس او پی) کے تحت پولیس نے اب تک ایک لاکھ 39 ہزار 313 افراد سے 2010000 روپے جرمانہ وصول کیا ہے۔ پولیس نے ایس او پی کی خلاف ورزی کے الزام میں 51850 گاڑیوں کو بھی ضبط کیا ہے۔ ریاست کے تین اضلاع تمبل، امپھال ویسٹ اور امپھال مشرق اضلاع میں سب سے زیادہ خلاف ورزیوں کی اطلاع سامنے آئی۔
منی پور حکومت کووڈ کے پھیلاؤ پر قابو پانے کے لئے پابندیاں عائد کر رہی ہے اور کووڈ- 19 انفیکشن کے تیزی سے پھیلنے کے پیش نظر آٹھ مئی سے سات اضلاع میں کرفیو نافذ کر دیا گیا ہے۔ امپھال ویسٹ، امپھال ایسٹ، بشنو پور، تھیوبل، کاکچنگ، چوراچند پور اور اکھرول میں کرفیو 17 مئی نافذ رہے گا۔ پولیس انسپکٹر جنرل (آپریشنز) نے بتایا کہ 282 افراد کو کورونا رہنما خطوط کی خلاف ورزی کے الزام میں حراست میں لیا گیا اور ان پر ایک لاکھ سات ہزار 150 روپے جرمانہ لگایا گیا ہے۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔