مہاراشٹر میں اسمبلی انتخاب کا بگل بجنے کے بعد ضابطہ اخلاق نافذ

ریاست کی 288 اسمبلیوں کے لئے آج سے ضابطہ اخلاق نافذ العمل ہے ریاست میں 8 کروڑ 94 لاکھ حق رائے دہندگان اپنے جمہوری حق کا استعمال کریں گے الیکشن میں کل 1.8 لاکھ ای وی ایم کا استعمال ہوگا۔

تصویر سوشل میڈیا
تصویر سوشل میڈیا
user

یو این آئی

ممبئی: ریاست بھر میں اسمبلی انتخاب کا بگل بج گیا ہے۔ مہاراشٹر میں اسمبلی الیکشن کے بعد آج سے ضابطہ اخلاق نافذ ہوگیا ہے 21 اکتوبر کو باقاعدہ طور پر انتخابی مراکز پر ووٹنگ کا عمل مکمل ہوگا جبکہ 27 ستمبر سے ہی امیدوار پرچہ نامزدگی داخل کر سکتے ہیں پرچہ نامزدگی داخل کر نے کا عمل 4 اکتوبر کو اختتام پذیر ہوگا اور 5 اکتوبر کو پرچہ نامزدگیوں کی جانچ اور ممتحن کیا جائیگا اس کے بعد 7 اکتوبرکو اگر کسی امیدوار کو اپنا پرچہ نامزدگی واپس لینا ہے تو وہ اس سے قبل ہی واپس لے سکتے ہیں۔

انتخابی عمل مکمل ہونے کے بعد 24 اکتوبر کو ووٹوں کی گنتی کے بعد نتائج کا اعلان ہوگا ریاست بھر میں ایک ہی مرحلہ میں الیکشن ہوگا اس کے لئے تمام تر انتظامات کا دعوی بھی الیکشن کمیشن نے کیا ہے۔ ریاست کی 288 اسمبلیوں کے لئے آج سے ضابطہ اخلاق نافذ العمل ہے ریاست میں 8 کروڑ 94 لاکھ حق رائے دہندگان اپنے جمہوری حق کا استعمال کریں گے الیکشن میں کل 1.8 لاکھ ای وی ایم کا استعمال ہوگا۔ انتخابی عمل کو پرامن بنانے کے لئے الیکشن کمیشن نے ہر ممکن کوشش کی ہے۔


یہ اطلاع آج یہاں منترالیہ میں منعقدہ پریس روم میں منعقدہ کانفرنس میں ریاستی چیف الیکشن انچارج بلدیو سنگھ نے پریس کانفرنس میں دی ہے۔ ریاست میں الیکشن کے دوران شفافیت لانے کی تمام تیاریاں مکمل کر لی گئی ہے اس کے لئے الیکشن کمیشن آف انڈیا نے مہاراشٹر کا دورہ بھی کیا تھا حق رائے دہندگان سے یہ اپیل ہے کہ وہ ووٹر لسٹ میں اپنے ناموں کا اندراج کروائیں۔

ای وی ایم کے لئے بیداری مہم بھی چلائی گئی ہے تمام پولنگ اسٹیشنوں پر ای وی ایم کی تفصیلات فراہم کی جائے گی اور اس کا استعمال کی بھی معلومات دی جائیگی، معذور حق رائے دہندگان کے لئے خصوصی انتظامات کیے گئے ہیں لوک سبھا میں پہلی اور دوسری منزل کے پولنگ سینٹروں کو زیر زمین لایا گیا ہے 5 ہزار سے زائد پولنگ سینٹروں کو گراؤنڈ فلور پر تعینات کیا گیا ہے ریاستی الیکشن کمیشن نے الیکشن کی تمام تر تیاریاں مکمل کر لی ہیں۔


گزشتہ ودھان سبھا الیکشن 2009 ء میں 50 فیصد اور 2014 ء میں 60.23 ووٹنگ فیصد درج کی گئی تھی امسال الیکشن مراکز میں بھی اضافہ کیا گیا ہے الیکشن کے لئے ملازمین کو تربیت دینے کی تیاری بھی کی گئی ہے کسی بھی قسم کی غلطی یا خطا نہ ہو اس کا خاص خیال رکھا جائیگا تاکہ الیکشن کے دوران یہ اپنی خدمات بہترین طریقے سے انجام دیں۔

ای وی ایم اور وی وی پیٹ خاطر خواہ تعداد میں ہیں اس کی سیکورٹی انتظامات میں کوئی سمجھوتہ نہیں کیا جائے گا الیکشن کمیشن نے جو گائڈ لائن اور اپیلی کیشن تیار کیا گیا ہے ضابطہ اخلاق کی شکایت وہ اس ویب سائٹس پر اندراج کر سکتا ہے۔ سیاسی پارٹی اور امیدواروں کو آن لائن اجازت نامے بھی فراہم کیے جائیں گے۔

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔