مدھیہ پردیش: ’شیو راج کے گھوٹالوں سے پر 18 برس مکمل!‘ کمل ناتھ کا بی جے پی حکومت پر سخت حملہ

بھوپال: مدھیہ پردیش انتخابات سے قبل ریاست کا سیاسی درجہ حرارت مسلسل بڑھ رہا ہے اور سیاسی حملے بھی تیز ہو گئے ہیں۔ اس تناظر میں آج ریاستی کانگریس صدر کمل ناتھ نے ریاست کی بی جے پی حکومت پر سخت حملہ کرتے ہوئے کہا کہ دہلی میں جی-20 ہوا اور مدھیہ پردیش میں شیوراج حکومت کا جی-18 چل رہا ہے اور ان کی حکومت نے گھوٹالوں سے پر 18 سال مکمل کر لیے ہیں۔

کمل ناتھ نے ٹوئٹ کیا، ’’جی-20 دہلی میں ہوا لیکن مدھیہ پردیش میں بی جے پی کی حکومت میں جی-18 چل رہا ہے۔ مدھیہ پردیش میں بی جے پی کی غلط حکمرانی کے 18 سال مکمل ہو چکے ہیں، اور حکمرانی تو (جی) گھوٹالوں کی ہی چل رہی ہے۔ حکومت کے 225 مہینوں میں 225 سے زیادہ تو عظیم گھوٹالے ہو چکے ہیں اور چھوٹے گھوٹالوں کی تو کوئی گنتی ہی نہیں! شیوراج حکومت کا ’جی-‘ گھوٹالوں (جی) سے پر 18 سال۔‘‘

خیال رہے کہ ریاست میں رواں سال اسمبلی انتخابات ہونے والے ہیں اور کانگریس بدعنوانی اور گھوٹالوں کو اہم مسئلہ بنا رہی ہے۔ کانگریس ریاست کے مختلف محکموں میں گھپلوں کو لے کر شیوراج حکومت پر لگاتار حملہ کر رہی ہے۔ وہیں، کمل ناتھ نے دہلی میں منعقدہ جی-20 سربراہی اجلاس کے حوالہ سے شیوراج حکومت کے 18 سالہ دور حکومت پر حملہ کیا ہے۔