لوک سبھا سے زرعی بلوں کا منظور ہونا، عوام اور حکومت کے مابین فاصلے کا مظہر: چدمبرم

چدمبرم نے یکے بعد دیگرے کئی ٹوئٹز کرتے ہوئے کہا کہ اس سے ظاہر ہوتا ہے کہ ریاستوں سے مشاورت نہیں کی گئی ہے

سینئر کانگریس رہنما پی چدمبرم
سینئر کانگریس رہنما پی چدمبرم
user

یو این آئی

نئی دہلی: کانگریس کے سینئر رہنما اور سابق مرکزی وزیر پی چدمبرم نے لوک سبھا میں کسانوں سے متعلق دو بلوں کی منظوری کے سلسلے میں پنجاب اور ہریانہ کے کسانوں کے احتجاجی مظاہرے پر جمعہ کے روز کہا یہ عوام اور حکومت کے مابین فاصلے کو ظاہر کرتا ہے اور اس سے ظاہر ہوتا ہے کہ ریاستوں سے مشاورت نہیں کی گئی ہے۔ چدمبرم نے آج کئی ٹویٹ کئے۔

انہوں نے کہا کسانوں کے متعلق دو بلوں کو لوک سبھا نے منظوری دے دی ہے۔ پنجاب اور ہریانہ کے کسان احتجا جی مظاہرے کر رہے ہیں ۔ یہ عوام اور حکومت کے مابین فاصلے کو ظاہر کرتا ہے۔

کانگریس لیڈر نے کہا ’’ دونوں بل ہمارے سابق فوڈ سیکیورٹی نظام کے تین التزام کو چیلنج کرتے ہیں۔ وہ ہیں ، منیمم اسپورٹ پرائس (ایم ایس پی) ، پبلک پروکیورمنٹ اور پبلک ڈسٹری بیوشن سسٹم (پی ڈی ایس) ۔ انہوں نے کہا ’’ تمل ناڈو کے کسانوں نے مجھے بتایا کہ وہ 1150 روپے کے ایم ایس پی کے مقابلے پرائیوٹ تاجروں کو 850 روپے پر دھان فروخت کررہے ہیں۔ ریاستی حکومت کو صورتحال کی وضاحت کرنی ہوگی۔


انہوں نے کہا کہ بلوں میں سنگین خامی یہ ہے کہ وہ اس بات کا تعین نہیں کرتے ہیں کہ کسان کو جو قیمت ملے گی وہ ایم ایس پی سے کم نہیں ہوگی ۔ ریاستوں سے مشاورت نہیں کی گئی۔ بی جے پی حکومت کی طرف سےاس قانون کی منظوری ریاستوں کے اختیارات اور وفاق کے لئے ایک بڑا دھچکا ہے۔

واضح رہے کہ وزیر اعظم نریندر مودی نے زراعت سے متعلق بلوں کے معاملے میں ہو رہی مخالفت پر جمعرات کو انہیں تاریخی قرار دیتے ہوئے کہا کہ کسانوں کو الجھانے میں بہت طاقتیں لگی ہوئی ہیں ، ایم ایس پی اور سرکاری خریداری کا نظام قائم رہے گا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔