راہل گاندھی کو جنرل ہڈا نے سونپی قومی سلامتی پر رپورٹ

نئی دہلی: کانگریس صدر راہل گاندھی نے کہا ہے کہ قومی سلامتی کے تعلق سے ریٹائر لیفٹیننٹ جنرل ڈی ایس ہڈا کی قیادت میں تشکیل دی گئی ماہرین کی کمیٹی نے انھیں اپنی رپورٹ پیش کردی ہے۔

راہل گاندھی نے ٹوئٹ کر کے یہ اطلاع دیتے ہوئے کہا، ’’ریٹائرلیفٹیننٹ جنرل ڈی ایس ہڈا اور ان کی ٹیم نے قومی سلامتی کےتعلق سے متعلق ایک تفصیلی رپورٹ تیار کی ہے اور یہ رپورٹ آج مجھے پیش کی گئی ہے۔ اس رپورٹ پر پہلے کانگریس پارٹی کے اندر گہرائی سے غور خوض کیا جائے گا۔ میں ریٹائر لیفٹیننٹ جنرل ڈی ایس ہڈا اور ان کی ٹیم کو اس کوشش کے لیے شکریہ ادا کرتا ہوں ۔‘

کانگریس صدر راہل گاندھی نے اس کے ساتھ ہی ایک تصویر بھی پوسٹ کی ہے جس میں ریٹائر لیفٹیننٹ جنرل ڈی ایس ہڈا انھیں قومی سلامتی پر اپنی رپورٹ پیش کر رہے ہیں۔

پارٹی نے کچھ عرصہ قبل جنرل ڈی ایس ہڈا کی قیادت میں یہ کمیٹی تشکیل دی تھی۔ جنرل ڈی ایس ہڈا نے 2016 میں سرحد پار فوج کی سرجیکل اسٹرائک میں اہم رول ادا کیا تھا ۔ریٹائر ہونے کے بعد وہ کانگریس میں شامل ہوئے اور پارٹی نے انھیں قومی سلامتی پر رپورٹ تیار کرنے کی ذمہ داری سونپی تھی۔ اس رپورٹ کی کچھ سفارشات کانگریس کے منشور میں بھی شامل کی جاسکتی ہیں۔