پٹنہ: آر جے ڈی ’اسٹوڈنٹ ونگ‘ کے کارکنان پر لاٹھی چارج، 8 سے زائد زخمی

بہار میں تعلیم کے گرتے ہوئے معیار کے خلاف چھاتر راشٹریہ جنتا دل (آر جے ڈی) کی احتجاجی ریلی کے دوران آج پتھراؤ کر رہے کارکنوں کو قابو میں کرنے کے لئے پولس نے لاٹھی چارج کیا۔

تصویر یو این آئی
تصویر یو این آئی
user

یو این آئی

پٹنہ: بہار میں تعلیم کے گرتے ہوئے معیار کے خلاف چھاتر راشٹریہ جنتا دل (آر جے ڈی) کی احتجاجی ریلی کے دوران آج پتھراؤ کر رہے کارکنوں کو قابو میں کرنے کے لئے پولس نے لاٹھی چارج کیا۔

آر جے ڈی کے ریاستی صدر رام چندر پوروے نے یہاں پارٹی کے ریاستی ہیڈکوارٹر میں ریلی کو ہری جھنڈی دکھا کر روانہ کیا۔ یہ ریلی ويرچندر پٹیل سے ہوتے ہوئے جیسے ہی انکم ٹیکس کے چوراہے پر پہنچی تب وہاں پہلے سے موجود پولس کے جوانوں نے آگے بڑھنے سے روک دیا۔


اس کے بعد چھاتر آر جے ڈی کارکن اور پولس کے بیچ دھکا مکی ہوئی۔ مارچ میں شامل کارکنوں نے پولس کا حفاظتی گھیرا توڑ کر آگے بڑھنے کی کوشش کی۔ کارکنوں کے ذریعہ پتھراؤ کرنے کے بعد پولس کو لاٹھی چارج کرنی پڑی۔

پولس لاٹھی چارج میں آٹھ سے زیادہ طالب علم زخمی ہوئے، جنہیں اسپتال میں داخل کرایا گیا ہے۔ لاٹھی چارج کی وجہ سے کچھ دیر کے لئے انکم ٹیکس چوراہے پر افراتفری کا ماحول بن گیا تھا۔ ریلی نکالنے والے کارکن وزیر اعلی کی رہائش کا گھیراؤ کرنے جا رہے تھے۔


Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔