دہلی کے نگم بودھ گھاٹ پر شیلا دیکشت کی آخری رسومات ادا

دہلی کانگریس کی صوبائی صدر اور سابق وزیر اعلیٰ شیلا دیکشت کی آخری رسومات دہلی کے نگم بودھ گھاٹ پر ادا ہوئیں۔ انہیں ریاستی اعزاز کے ساتھ آخری الوداعی دی گئی۔ اس موقع پر سونیا گاندھی، پرینکا گاندھی اور منموہن سنگھ سمیت پارٹی کے دیگر اہم رہمنا شامل رہے۔ شیلا دیکشت کا ہفتہ کو دہلی کے ایکسارٹ ہسپتال میں دورہ قلب کے پڑنے سے انتقال ہو گیا تھا۔

اتوار کی صبح 11 بجے شیلا دیکشت کا جسد خاکی ان کی نظام الدین واقع رہائش گاہ پر آخری دیدار کے لئے رکھا گیا تھا، جہاں متعدد رہنماؤں نے ناہیں خراج عقیدت پیش کیا۔ اس کے بعد جسد خاکی کو کانگریس کے صدر دفتر لے جایا گیا۔ آخری دیدار کے بعد تقریباً 2 بجے جسد خاکی نگم بودھ گھاٹ کے لئے روانہ ہوا۔ شیلا دیکشت کے انتقال پر سونیا گاندھی نے کہا کہ وہ میرا بڑی سہارا اور میری بڑی بہن تھیں۔ کانگریس لئے یہ بڑا خسارہ ہے، جس کی تلافی ممکن نہیں۔ میں انہیں ہمیشہ یاد رکھووں گی۔‘‘

شیلا دیکشت کا جسد خاکی نگم بودھ گھاٹ پر پہنچ چکا ہے جہاں کچھ ہی دیر میں ان کی آخری رسومات ادا کی جائیں گی۔ ان کی آخری رسومات میں شامل ہونے کے لئے متعدد اہم شخصیات پہنچی ہیں۔ شیلا دیکشت کا انتم سنسکار ریاستی اعزاز کے ساتھ کیا جا رہا ہے۔

کانگریس کے صدر دفتر میں عام لوگوں اور اہم شخصیات کی طرف سے شیلا دیکشت کا آخری دیدار کرنے اور خراج عقیدت پیش کرنے کے بعد ان کا جسد خاکی آخری سفر کے لئے نگم بودھ گھٹ کی طرف روانہ ہو گیا ہے۔ وہاں ان کی آخری رسومات ادا کی جائیں گی۔

شیلا دیکشت کا جسد خاکی کانگریس ہیڈکوارٹرز میں آخری دیدار کے لئے رکھا گیا ہے۔ جہاں مختلف اہم رہنما کی طرف سے انہیں خراج عقیدت پیش کرنے کا سلسلہ جاری ہے۔

سابق وزیر خارجہ اور دہلی کی وزیر اعلیٰ رہ چکیں بی جے پی کی رہنما سشما سوراج بھی شیل دیکشت کو خراج عقیدت پیش کرنے کے لئے پہنچیں۔ سشما سوارج دہلی کی پہلی خاتون وزیر اعلیٰ تھیں جبکہ دیکشت نے دہلی کی دوسری خاتون وزیر اعلیٰ ہونے کا اعزاز حاصل کیا تھا۔

واضح رہے کہ ڈی پی سی سی کی سربراہ اور دہلی کی سابق وزیر اعلیٰ شیلا دیکشت کا ہفتہ کے روز دورہ قلب پڑنے سے انتقال ہو گیا تھا۔ انہوں نے فورٹس ایسکارٹ ہاسپیٹل میں آخری سالس لی۔ ان کی آخری رسومات آج دوپہر تقریباً 2.30 بجے نگم بودھ گھاٹ پر ادا کی جائیں گی۔

دہلی کی سابق وزیر اعلیٰ شیلا دیکشت کا جسد خاکی کانگریس کے صدر دفتر کی طرف روانہ ہو گیا ہے۔ جسد خاکی کانگریس ہیڈکوارٹر میں آخری دیدار کے لئے 1.30 بجے تک رکھا جائے گا۔ اس کے بعد شیلا دیکشت اپنے آخری سفر پر روانہ ہوں گی۔

دہلی کی سابق وزیر اعلیٰ شیلا دیکشت کی آخری رسومات آج ادا ہوں گی۔ دوپہر تقریباً 2.30 بجے دہلی کے نگم بودھ گھاٹ پر ان کا انتم سنسکار ہوگا۔ اس سے پہلے ان کے جسد خاکی کو آخری دیدار کے لئے کانگریس کے صدر دفتر پر تقریباً 12.15 بجے رکھا جائے گا۔