بڑی خبر: ہریانہ کے پلول میں مویشی چوری کے الزام میں ایک شخص کا پیٹ پیٹ کر قتل

راجستھان کے بعد اب ہریانہ میں موب لنچنگ کا قہر سامنے آیا ہے۔ پلول ضلع صدر دفتر سے محض پانچ کلو میٹر کی دوری پر بسے بہرولا گاؤں میں مبینہ طور پر مویشی چوری کرنے آئے ایک چور کی لوگوں نے ہاتھ پیر باندھ کر زبردست پٹائی کی اور اس چوٹ کی تاب نہ لانے کے سبب اس کی موت واقع ہو گئی۔

خبروں کے مطابق بہرولا گاؤں کے نزدیک کھیتوں میں شردھا رام کے بیٹے مکان بنا کر فیملی کے ساتھ رہتے ہیں۔ رات میں 3 چور ان کے مکان میں بھینسوں کو چوری کرنے کے لیے آئے لیکن گھر والوں کی نیند کھل گئی اور انھوں نے 3 چوروں میں سے ایک کو پکڑ لیا جب کہ دو وہاں سے فرار ہو گئے۔ الزام ہے کہ انھوں نے پکڑے گئے چور کے ہاتھ پیر باندھ دیے اور اس کی خوب پٹائی کی۔ اسی مار پیٹ میں چور کی موت ہو گئی۔

خبر ملتے ہی پولس موقع پر پہنچی اور لاش کو اپنے قبضے میں لے کر شناخت و پوسٹ مارتم کے لیے ضلع اسپتال بھیج دیا۔ پولس نے اس سلسلے میں ای اے ایس آئی رام بیر کی تحریر پر تین سگے بھائیوں کے خلاف غیر ارادتاً قتل کا معاملہ درج کر لیا ہے اور کارروائی بھی شروع کر دی ہے۔

کانگریس سی ڈبلیو سی کے اجلاس میں ہفتہ کے روز بی جے پی کے ممکنہ اتحاد، آسام این آر سی اور دیگر موضوعات پر بحث کی گئی۔ راہل گاندھی کی قیادت میں ہونے والی اس میٹنگ میں یو پی اے کی چیئر پرسن شامل نہیں ہو سکیں۔

اجلاس میں سابق وزیر اعظم منموہن سنگھ، سینئر رہنما اشوک گہلوت، غلام نبی آزاز، احمد پٹیل و دیگر رہنما شامل ہوئے۔ ذرائع کے مطابق اس اجلاس میں آئندہ لوک سبھا انتخابات میں اتحاد کرنے و رافیل گھوٹلہ کے علاوہ بھی کئی مدوں پر بات چیت کی گئی۔

کانگریس کے اہم پالیسی ساز ادارے سی ڈبلیو سی (کانگریس ورکنگ کمیٹی) کی میٹنگ میں شرکت کے لئے اے آئی سی سی (آل انڈیا کانگریس کمیٹی کے صدر دفتر پہنچ گئے ہیں۔ وہ دوسری مرتبہ سی ڈبلیو سی کے اجلاس کی صدارت کو انجام دے رہے ہیں۔ ان کے ساتھ سابق وزیر اعظم منموہن سنگھ اور دیگر سینئر رہنما بھی موجود ہیں۔

توقع کی جا رہی ہے کہ میٹنگ کے دوران آسام این آر سی (قومی شہری رجسٹر) کے حتمی مسودہ جاری ہونے کے بعد پیدا ہوئے حالات پر غور و غوض ہو سکتا ہے۔ علاوہ ازیں، رافیل سودے سمیت کئی دیگر موضوعات پر بھی بات چیت کی جائے گی۔ مانا جا رہا ہے کہ اس میٹنگ میں حکومت کو گھیرنے اور آئندہ انتخابات کو لے کر حکمت عملی تیار کرنے پر بھی بات چیت ہوگی۔

قبل ازیں 22 جولائی کو راہل گاندھی کی صدارت میں سی ڈبلو سی کی پہلی میٹنگ منعقد ہوئی تھی۔

بہار کے مظفرپور میں واقع شیلٹر ہوم میں بچیوں کے جنسی استحصال نتیش کمار گھرتے ہوئے نظر آ رہے ہیں۔ تیجسوی یادو نے آج جنتر منتر پر احتجاج کرنے کا اعلان کیا ہوا ہے اور کانگریس صدر راہل گاندھی سمیت متعدد اپوزیشن رہنما اس میں شامل ہو رہے ہیں۔

تیجسوی یادو نے کہا ہے کہ دہلی کے جنتر منتر پر ہونے جا رہے دھرنے میں کانگریس، سماجوادی پارٹی، ترنمول کانگریس سمیت کئی دیگر سیاسی جماعتیں حصہ لے رہی ہیں۔

تیجسوی یادو نے کہا کہ مظفرپور سانحہ سے پورا ملک شرم سار ہوا ہے۔ ان کے مطابق دہلی میں دھرنا کر کے وہ متاثرہ بچیوں کے لئے انصاف کی مانگ کریں گے اور ملک کے عوام سے مطالبہ کریں گے کہ انصاف کے حق میں آواز بلند کریں۔

واضح رہے کہ مظفر پور میں بچیوں کے شیلٹر ہوم میں 42 بچیاں تھیں جن میں سے 34 کے ساتھ جنسی زیادتی کی تصدیق ہو چکی ہے۔ ملزم برجیش ٹھاکر ایک اور تنظیم ’سوادھار‘ میں بدھ کے روز جانچ کے دوران کئی قابل اعتراض چیزیں برآمد ہوئیں۔ برجیش کی این جی اور سنکلپ کے زیر انتظام چلنے والے خواتین کے شیلٹر ہوم سے 11 خواتین کے غائب ہونے کی رپورٹ خاتون تھانہ میں درج کی گئی ہے۔