بڑی خبر: فرقہ پرستی ثقافت کا خول اوڑھ کر آتی ہے، راہل

فرقہ پرستی ثقافت کا خول اوڑھ کر آتی ہے: راہل گاندھی

کانگریس صدر راہل گاندھی نے فرقہ پرستی پر طنز کیا ہے۔ انہوں نے ملک میں پھیل رہی فرقہ پرستی کو لے کر اشاروں اشاروں میں بی جے پی پر نشانہ لگایا ہے۔ راہل گاندھی نے منشی پریم چند کے ایک مضمون کا حصہ ٹوئٹ کر کے کہا، ’’فرقہ پرستی ہمیشہ ثقافت کی دہائی دیا کرتی ہے۔ اسے اپنے اصل روپ میں آنے میں شاید شرم آتی ہے، اس لئے وہ اس گدھے کی مانند جو شیر کی کھال اوڑھ کر جنگل میں جانوروں پر رعب جماتا پرھتا ہے، ثقافت کا خول اوڑھ کر آتی ہے۔ ہندوستان کے عظیم مصنف منشی پریم چند کی یاد کو سلام۔‘‘

واضح رہے کہ کانگریس صدر راہل گاندھی نے منشی پریم چند کے مضمون ’فرقہ پرستی اور ثقافت‘ کا ایک حصہ ٹوئٹ کیا ہے۔ پریم چند نے سے 1934 میں لکھا تھا ۔

جموں و کشمیر میں اننت ناگ کے لال چوک پر ملی ٹینٹوں نے سکیورٹی فورسز پر دستی بم سے حملہ کیا ہے۔ اس حملہ میں سی آر پی ایف کے دو جوان زخمی ہو گئے۔ حملہ کے بعد علاقہ میں تلاشی مہم چلائی جا رہی ہے۔

سری نگر: شمالی کشمیر کے ضلع بارہمولہ کے سوپور میں جمعہ کی علی الصبح ہونے والے ایک مسلح تصادم میں غیر مصدقہ اطلاعات کے مطابق دو جنگجوؤں کو ہلاک کیا گیا ہے۔

سرکاری ذرائع نے بتایا کہ فوج اور جموں وکشمیر پولیس کے اسپیشل آپریشن گروپ (ایس او جی) نے سوپور کے درسو نامی گاؤں میں جنگجوؤں کی موجودگی سے متعلق خفیہ اطلاع ملنے پر مذکورہ گاؤں میں جمعہ کی علی الصبح تلاشی آپریشن شروع کیا۔ انہوں نے بتایا کہ تلاشی آپریشن کے دوران گاؤں میں موجود جنگجوؤں نے سیکورٹی فورسز پر فائرنگ کی۔

انہوں نے مزید بتایا ’سیکورٹی فورسز کی جوابی فائرنگ کے بعد طرفین کے مابین باضابطہ طور پر مسلح تصادم شروع ہوا جو قریب چار گھنٹوں تک جاری رہا‘۔ غیرمصدقہ اطلاعات کے مطابق سیکورٹی فورسز کی جوابی فائرنگ میں دو ملی ٹینٹ مارے گئے ہیں۔

ذرائع نے بتایا ’اگرچہ مسلح تصادم کے مقام پر فائرنگ کا سلسلہ رک گیا ہے، تاہم تلاشی آپریشن جاری ہے‘۔ دریں اثنا انتظامیہ نے کسی بھی طرح کی افواہوں کو پھیلنے سے روکنے کے لئے ضلع بارہمولہ کے بیشتر علاقوں میں موبائیل انٹرنیٹ خدمات منقطع کرادی ہیں۔ اس کے علاوہ سوپور میں تعلیمی اداروں کو جمعہ کے روز بند رکھنے کا اعلان کیا گیا ہے۔

(یو این آئی)

ممبئی ایئرپورٹ پر جمعرات کی شب دبئی جانے والے ایئر انڈیا کے ایک طیارے میں تکنیکی خرابی آنے کے باعث 150 مسافر پھنس گئے۔ پرواز میں تاخیر کی وجہ سے ناراض مسافروں نے ایئر انڈیا کے اسٹاف پر بدسلوکی کا الزام عائد کرتے ہوئے کہا کہ انہیں یہ نہیں بتایا جا رہا کہ فلائٹ کب ٹیک آف کرے گی۔

ممبئی سے دبئی جانے والے طیارے کو رات 8 بجے پرواز بھرنی تھی لیکن عین وقت پر تکنیکی خرابی کا انکشاف ہوا۔ پرواز کو روک کر خرابی دور کرنے کی کوشش کی گئی لیکن کئی گھنٹوں کی مشقت کے باؤجود طیارہ ٹھیک نہیں ہو سکا۔ گھنٹوں انتظار کرنے کے بعد 150 مسافرروں کا تحمل جواب دے گیا اور وہ ہنگامہ کرنے لگے۔ کئی مسافروں نے ایئر انڈیا کے اسٹاف پر بدسلوکی کا الزام عائد کیا۔

ایئر انڈیا اسٹاف کا کہنا تھا کہ طیارہ کو جلد روانہ کیا جائے گا لیکن اطلاعات کے مطابق طیارے کو صبح 7 بجے روانہ کیا گیا۔