لالو یادو کے کندھے میں فریکچر، طبیعت بگڑنے پر داخل اسپتال

راشٹریہ جنتا دل (آر جے ڈی) کے سربراہ اور بہار کے سابق وزیر اعلیٰ لالو پرساد یادود کی طبیعت بگڑ گئی ہے۔ ان کے کندھے میں فیکچر ہے اور انہیں علاج کے لئے پٹنہ کے پارس اسپتال میں داخل کرایا گیا ہے

لالو پرساد یادو
لالو پرساد یادو
user

قومی آوازبیورو

پٹنہ: راشٹریہ جنتا دل (آر جے ڈی) کے سربراہ اور بہار کے سابق وزیر اعلیٰ لالو پرساد یادود کی طبیعت بگڑ گئی ہے۔ ان کے کندھے میں فیکچر ہے اور انہیں علاج کے لئے پٹنہ کے پارس اسپتال میں داخل کرایا گیا ہے۔

اطلاعات کے مطابق لالو یادو گزشتہ روز اپنی رہائش پر سیڑھیوں سے گر گئے تھے، جس کی وجہ سے ان کے کندھے کی ہڈی ٹوٹ گئی۔ رہائش پر ہی ان کے فیملی ڈاکٹر نے عارضی پلاستر چڑھا دیا اور انہیں آرام کرنے کی صلاح دی۔

خیال رہے کہ لالو یادو کو گردے میں پریشانی سے دو چار ہیں اور ان کے کڈنی ٹرانسپلانٹ کا بھی چرچا ہوتا رہتا ہے۔ اس کے لئے انہوں نے عدالت سے بیرون ملک جانے کی جازت طلب کی تھی۔ لالو یادو اپنا کڈنی کا علاج کرانے کے لئے سنگاپور جانا چاہتے ہیں۔


لالو یادو کے اسپتال میں داخل ہونے کی خبر کے بعد آر جے ڈی کارکنان اور لالو یادو کے حامیوں میں تشویش پائی جاتی ہے۔ ان کے حامی رابڑی دیوی کی رہائش اور پارس اسپتال میں لالو یادو کی خبرگیری کرنے کی کوشش کرتے دیکھے جا سکتے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔