ایل این جے پی میں گھروالوں سے بات کرنے کے لئے ویڈیو کانفرنسنگ کی سہولت : کیجریوال

ایل این جے پی پورے ملک کا سب سےبڑا کووڈ اسپتال ہے۔ یہ دو ہزار بیڈ ہیں۔ 17 مارچ سے اب تک ایل این جے پی اسپتال میں 2700 مریض صحتیاب ہوکر گھر جاچکے ہیں۔

سوشل میڈیا
سوشل میڈیا
user

یو این آئی

دہلی کے وزیراعلیٰ اروند کیجریوال نے کورونا کے مریضوں کے علاج کے 100 دن مکمل ہونے پر جمعرات کو ایل این جے پی اسپتال پہنچ کر ڈاکٹروں اور نرسوں کی حوصلہ افزائی کی اور گھروالوں سے مریضوں کو بات کرنے کے لئے ویڈیو کانفرسنگ کی سہولت شروع کی ۔

مسٹر کیجریوال نے صحافیوں سے کہا کہ ایل این جے پی اسپتال کو کورونا مریضوں کا علاج کرتے ہوئے آج 100 دن مکمل ہوگئے ہیں۔ 17 مارچ کو ایل این جے پی کو کووڈ19 اسپتال قرار دیا گیاتھا۔


ایل این جے پی پورے ملک کا سب سےبڑا کووڈ اسپتال ہے۔ یہ دو ہزار بیڈ ہیں۔ 17 مارچ سے اب تک ایل این جے پی اسپتال میں 2700 مریض صحتیاب ہوکر گھر جاچکے ہیں۔ بغیر علامات والے مریض گھر پر ہی علاج کراتے ہیں لیکن جو مریض شدید طور پر متاثر ہیں ان کا علاج آسان نہیں تھا پھر بھی ڈاکٹروں نے بغیر اپنی جان کی پرواہ کئے بغیر یہاں دن رات کام کیا ہے۔ ایل این جے پی اسپتال کے ڈاکٹر اور نرس بہت اچھا کام کررہے ہیں۔

وزیراعلیٰ نے کہا کہ ایل این جے پی اسپتال میں ایک سب سے بڑی بات یہ ہوئی کہ پہلی مرتبہ یہاں پلازما تھریپی کا استعمال کیا گیا اور وہ کامیاب رہا ہے۔


انہوں نے کہا کہ اب کورونا مریض سے اس کے کنبہ کے افراد ویڈیو کال پر بات کرسکتے ہیں۔اب ہر وارڈ میں ٹیب لگا دیئے گئے ہیں ۔ مریض کا رشتہ دار باہر قائم ٹیب کی مدد سے ویڈیو کانفرنسنگ کے ذریعہ بات کرسکتے ہیں۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔