کرناٹک: ریمونا پریرا نے 7 روز میں 170 گھنٹے بھرت ناٹیم کر بنایا عالمی ریکارڈ

منگلور کی طالبہ ریمونا پریرا نے مسلسل 170 گھنٹے بھرتناٹیم کر کے عالمی ریکارڈ قائم کیا ہے۔ منگلور کے سینٹ ایلوسیئس کالج کی گریجویشن کی آخری سال کی طالبہ ریمونا کا نام اب ’گولڈن بُک آف ورلڈ ریکارڈس‘ میں درج ہو گیا ہے۔ ریمونا نے کالج کے رابرٹ سکویرا ہال میں بھرت ناٹیم کا مظاہرہ کیا۔ انہوں نے مسلسل 7 دنوں تک دن و رات بھرت ناٹیم کیا۔

مسلسل بھرت ناٹیم کرنے کا گزشتہ ریکارڈ 127 گھنٹے کا تھا، اب مسلسل 170 گھنٹے بھرت ناٹیم کر کے ریمونا پریرا نے عالمی سطح پر ایک بڑی کامیابی حاصل کر لی ہے۔ واضح ہو کہ ریمونا گزشتہ 13 سالوں سے بھرت ناٹیم کی مشق کر رہی ہے۔ انہوں نے بھرت ناٹیم میں کئی ریکارڈ قائم کیے ہیں۔ وہ روزانہ 5 سے 6 گھنٹے تک بھرت ناٹیم کی مشق کرتی ہیں۔ انہوں نے اپنی تعلیم کے ساتھ ساتھ بھرت ناٹیم کو بھی مساوی ترجیح دی ہے۔

ریمونا نے گولڈن بُک آف ورلڈ ریکارڈ کے افسران موجودگی میں بھرتناٹیم کیا۔ 7 دنوں تک چلے اس بھرت ناٹیم کو کیمرے میں ریکارڈ کیا گیا۔ ریمونا کی اس کامیابی کو کالج انتظامیہ، اساتذہ اور ہم جماعتوں کی پوری حمایت حاصل رہی۔ ہم جماعتوں نے ریمونا کی اس کامیابی پر کافی خوشی کا اظہار کیا ہے۔

بھرت ناٹیم کرتے ہوئے ریمونا نے بہت کم کھایا، وہ ہر 3 گھنٹے میں 15 منٹ کا بریک لیتی تھیں، اس دوران وہ صرف کیلے، دہی، ناریل پانی اور اچھی طرح سے پکے ہوئے سفید چاول کھاتی تھیں۔ ریمونا پریرا جب مسلسل بھرت ناٹیم کر رہی تھیں اس وقت ڈاکٹروں کی ایک ٹیم، میڈیکل اسٹاف اور ایک ایمبولنس موقع پر موجود تھیں۔ جب ریمونا ہر 3 گھنٹے میں بریک لیتی تھیں تب ڈاکٹر ان کے صحت کی جانچ کرتے تھے۔ 7 دنوں میں ریمونا پریرا نے بھرت ںاٹیم کی مختلف اقسام کا مظاہرہ کیا۔