کرناٹک ہائی کورٹ کے جج کو تبادلہ کی دھمکی کا معاملہ، سپریم کورٹ میں آج ہوگی سماعت

کرناٹک ہائی کورٹ کے جج ایچ پی سندیش نے دعوی کیا تھا کہ انسداد کرپشن بیورو کے کام کاج پر سوال اٹھانے کے بعد انہیں تبادلہ کی دھمکی دی گئی تھی

سپریم کورٹ کی تصویر، آئی اے این ایس
سپریم کورٹ کی تصویر، آئی اے این ایس
user

قومی آوازبیورو

نئی دہلی: اے سی بی (انٹی کرپشن بیورو) کی سرزنش کرنے کے بعد کرناٹک ہائی کورٹ کے جج ایچ پی سندیش کو دھمکی دئے جانے کے معاملہ میں سپریم کورٹ پیر کے روز سماعت کرنے کے لئے راضی ہو گیا۔ کرناٹک حکومت کی نمائندگی کر رہے سالیسٹر جنرل تشار مہتا نے چیف جسٹس این سی رمنا کی سربراہی والی بنچ کے سامنے معاملہ کا تذکرہ کیا تھا۔

بنچ کو تبایا گیا کہ معاملہ ایک درخواست ضمانت پر فیصلہ کے دوران ہائی کورٹ کی سنگل بنچ کی جانب سے کئے گئے کچھ تبصروں سے متعلق ہے۔ جسٹس ایچ پی سندیش نے گزشتہ ہفتے اے سی بی کے سینئر عہدیداران کے کام کاج پر تبصرہ کیا تھا اور کہا تھا کہ وہ کسی بھی قیمت پر عدلیہ کی آزادی کا دفاع کریں گے۔


وکیل نے سپریم کورٹ کے سامنے اے سی بی کے سربراہ کی جانب سے ایک علیحدہ درخواست کا بھی حوالہ دیا جس کے خلاف ہائی کورٹ نے کچھ مشاہدات کیے تھے۔ اے سی بی چیف کے وکیل نے واضح کیا کہ یہ سب میڈیا میں تھا اور غلط ہے اور اس سے ان کی ساکھ کو نقصان پہنچا ہے۔

عدالت عظمیٰ نے اس معاملے میں مختصر سماعت کے بعد عرضی پر منگل کے روز غور کرنے پر رضامندی ظاہر کی اور معاملہ کو ایک مناسب بنچ میں درجہ بند کرنے کا حکم سنایا۔

یہ مقدمہ ایک ملزم کی طرف سے دائر کی گئی فوجداری عرضی سے متعلق ہے، جسے اے سی بی نے ڈپٹی کمشنر، بنگلورو اربن کی جانب سے مبینہ طور پر رشوت لینے کے الزام میں گرفتار کیا تھا۔


جسٹس سندیش نے کہا تھا، ’’آپ کے اے ڈی جی پی واضح طور پر طاقتور ہیں۔ کسی نے ہائی کورٹ کے جج سے بات کی جس نے مجھے دوسرے جج کے ٹرانسفر ہونے کی مثال دی۔ میں اس جج کا نام بتانے میں ہچکچاہٹ محسوس نہیں کروں گا جس نے یہ معلومات دی۔ اس عدالت میں تبادلے کا خطرہ ہے۔ میں اپنی جج شپ کی قیمت پر عدلیہ کی آزادی کا دفاع کروں گا۔‘‘

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔