کرناٹک: کماراسوامی کی کابینہ کی توسیع، 25 وزراء کی حلف برداری

کرناٹک کی کانگریس-جے ڈی ایس مخلوط حکومت کی کابینہ کی بدھ کے روز پہلی توسیع عمل میں آئی۔ وزیر اعلیٰ ایچ ڈی کماراسوامی اور سابق وزیر اعلی سدا رمیا کی موجودگی میں گورنر وجوبھائی والا نے 25 ارکان اسمبلی کو وزیر کی حیثیت سے حلف دلوایا۔ اس توسیع میں جے ڈی ایس کے 9 اور کانگریس کے 14 ارکان اسمبلی کے ساتھ ہی مایاوتی کی پارٹی بی ایس پی اور کے پی جے پی کے ایک ایک رکن اسمبلی کو بھی کماراسوامی کی کابینہ میں جگہ دی گئی۔ کابینہ میں وزیر اعلیٰ کماراسوامی کے بھائی ایچ ڈی ریونا کو بھی جگہ ملی ہے۔ کانگریس کی طرف سے حلف لینے والے ارکان اسمبلی میں ڈی کے شیو کمار، کے جے جارج، شیو کمار ریڈی اور پریانک کھڑگے شامل ہیں۔

کابینہ کی توسیع میں ریاست کی ذاتیاتی صورت حال کا بھی خیال رکھا گیا ہے۔ حلف لینے والے 25 وزراء میں ووکالیگا طبقہ کے 10 ارکان اسمبلی ہیں جبکہ لنگایت طبقہ سے 4 ارکان اسمبلی کو وزراء بنایا گیاہے۔ ساتھ ہی اقلیتی طبقہ اور ایس سی-ایس ٹی طبقہ سے 3-3 ارکان اسمبلی کو وزیر بنایا گیا ہے۔

کرناٹک کی کماراسوامی حکومت کی کابینہ کی سب سے خاص بات یہ ہے کہ اس بار بی ایس پی کے واحد رکن اسمبلی این مہیش کو بھی جگہ دی گئی ہے۔ ایسا پہلی مرتبہ ہوا ہے جب بی ایس پی کا کوئی رکن اسمبلی یو پی کے باہر کسی ریاست کا وزیر کا درجہ حاصل کر رہا ہے۔

کرناٹک میں جے ڈی ایس کانگریس مخلوط حکومت کے وزراء کی حلف برداری کے بعد وزیر اعلیٰ ایچ ڈی کماراسوامی نے اپنی کابینہ کا اپہلا اجلاس طلب کر لیا ہے۔ اجلاس 4.30 بجے طلب کیا گیا ہے جس کے بعد کماراسوامی پریس کانفرنس کے دوران میڈیا سے خطاب کریں گے۔

کرناٹک میں ایچ ڈی کماراسوامی کابینہ کی پہلی توسیع کے تحت 25 وزراء کو کابینہ میں جگہ دی گئی ہے۔ کماراسوامی کابینہ میں کانگریس کے 14، جے ڈی ایس کے 9 وزراء ہوں گے، اس کے علاوہ بی ایس پی اور کے پی جے پی کے ایک ایک رکن اسمبلی نے وزیر کے طور پر حلف لیا۔

کرناٹک میں کانگریس-جے دی ایس مخلوط حکومت کی پہلی توسیع میں کانگریس کی جے مالا کو بھی جگہ دی گئی ہے۔ کانگریس کی ایم ایل سی جے مالا ایچ ڈی کماراسوامی حکومت کی واحد خاتون وزیر ہوں گی۔

ادھر کارناٹک پرجیاونتا جنتا پارٹی کے واحد رکن اسمبلی آر شنکر کو بھی کابینہ میں جگہ دی گئی ہے۔ آر شنکر رن بینور سے رکن اسمبلی ہیں۔

کرناٹک کی کابینہ میں وزیر اعلیٰ ایچ ڈی کماراسوامی کے بھائی ایچ ڈی ریوانا کو بھی جگہ ملی ہے۔ اس کابینہ کی سب سے دلچسپ بات ہے مایاوتی کی پارٹی بی ایس پی کے رکن اسمبلی ستیش چندرا کو بھی شامل کیا گیا ہے۔

بی ایس پی نے کرناٹک میں اپنے اکلوتے جیتنے والے رکن اسمبلی کو کابینہ میں جگہ دینے پر دونوں جماعتوں کو راضی کر لیا ہے۔ ایسا پہلی بار ہے کہ اتر پردیش کے باہر کوئی دلت رکن اسمبلی وزیر کا درجہ حاسل کرے گا۔

کابینہ کی توسیع میں اب تک کانگریس کے ڈی کے شیو کمار، آر وی دیش پانڈے، کے جے جارج، پرینک کھڑگے، رمیش جرکی ہولی، ناگ سندرا ہنومنت، شیو شنکر ریڈی اور کرشن بائرے گوڑا نے وزیر کے طور پر حلف لے لیا ہے۔

قبل ازیں، جے دی ایس کوٹے سے ایس آر شری نواس، ملپا چناویرپا ماناگولی، وینکٹ راؤ ناد گوڑا، ڈی سی تھمنا، جی ٹی دیوگوڑا، بندیپ کشم پور اور ایچ آر ریونا نے وزیر کے طور پر حلف لے لیا ہے۔