مدھیہ پردیش اراکین اسمبلی کی ’ہارس ٹریڈنگ‘ کر رہی بی جے پی: کمل ناتھ

مدھیہ پردیش میں سیاسی ہلچل کے درمیان آج گورنر لال جی ٹنڈن سے وزیر اعلی کمل ناتھ نے ملاقات کر کے ایک خط سونپا اور بھارتیہ جنتا پارٹی (بی جے پی) پر اراکین اسمبلی کی ’ہارس ٹریڈنگ‘ کا الزام عائد کیا

تصویر سوشل میڈیا
تصویر سوشل میڈیا
user

یو این آئی

بھوپال: مدھیہ پردیش میں سیاسی ہلچل کے درمیان آج گورنر لال جی ٹنڈن سے وزیر اعلی کمل ناتھ نے ملاقات کر کے ایک خط سونپا اور بھارتیہ جنتا پارٹی (بی جے پی) پر اراکین اسمبلی کی ’ہارس ٹریڈنگ‘ کا الزام عائد کیا۔ تین صفحات پر مشتمل یہ خط گورنر کو سونپنے کے ساتھ ہی کمل ناتھ نے انہیں سیاسی حالات سے آگاہ کیا۔

ا س دوران بنگلورو میں ٹھہرے 20 کانگریس کے اراکین اسمبلی کے دوپہر تک واپس پہنچنے کی امید ہے۔ یہ تمام سینئر لیڈر جوترادتیہ سندھیا کے حامی بتائے گئے ہیں اور انہوں نے اپنے استعفے اسمبلی اسپیکر این پی پرجا پتی کے ساتھ ہی گورنر کو بھی بھیج دیے ہیں۔


خیال کیا جا رہا ہے کہ ان اراکین اسمبلی کو گورنر اور اسپیکر سے ملاقات کرائی جا سکتی ہے ۔ ان اراکین اسمبلی کے بھوپال آنے کی اطلاع پر ہوائی اڈے اور دیگر متعلقہ مقامات پر پولیس انتظامیہ نے سکیورٹی انتظامات سخت کر دے ہیں ۔

دوسری طرف کمل ناتھ نے گورنر سے ملاقات کے بعد راج بھون کے با ہر میڈیا سے کہا کہ بی جے پی اراکین اسمبلی نے کانگریس کے اراکین اسمبلی کو کس طرح قیدی بناکر رکھا ہے، یہ پورے ملک نے دیکھا ہے ۔ انہوں نے گورنر سے درخواست کی کہ ان اراکین اسمبلی کو واپس محفوظ بلانا یقینی بنایا جائے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔