جیو نے اپریل میں ریکارڈ 26.4 لاکھ نئے موبائل صارفین جوڑے

صنعت کار مکیش امبانی کی ٹیلی کام سروس فراہم کرنے والی کمپنی ریلائنس جیو نے ایک بار پھر ٹیلی کام سیکٹر میں اپنا تسلط برقرار رکھتے ہوئے اس سال اپریل میں 26 لاکھ 44 ہزار سے زیادہ نئے موبائل صارفین کا اضافہ کیا، جس سے اس کے مجموعی صارفین کی تعداد 47.24 کروڑ تک پہنچ گئی۔

جمعرات کو ٹیلی کام ریگولیٹر ٹرائی کی طرف سے جاری کردہ اپریل 2025 کے اعداد و شمار کے مطابق جیو نے اس مہینے 26 لاکھ 44 ہزار سے زیادہ نئے موبائل صارفین کو شامل کیا، جس سے اس کے مجموعی کسٹمرز کی تعداد 47.24 کروڑ تک پہنچ گئی۔ جیو ہندوستان کا سب سے بڑا موبائل سروس فراہم کنندہ ہے، جس کا کل مارکیٹ شیئر 40.76 فیصد ہے۔

دوسری طرف ایئرٹیل نے اپریل میں صرف 1.7 لاکھ صارفین کو شامل کیا اور اب اس کے مجموعی صارفین 39 کروڑ ہیں۔ ووڈافوب-آئیڈیا کو سب سے بڑا دھچکا لگا ہے، جس نے اسی مدت کے دوران 6.5 لاکھ سے زیادہ صارفین کو کھو دیا، جس سے اس کے کسٹمر 20.47 کروڑ رہ گئے ہیں۔

پورے ملک میں موبائل کنکشن کی کل تعداد اب 115.89 کروڑ تک پہنچ گئی ہے۔ خطہ وار تجزیہ میں، گجرات، بہار اور دہلی کے حلقوں نے سب سے زیادہ صارفین کو شامل کیا ہے جبکہ ممبئی اور کولکتہ جیسے میٹرو میں صارفین کی تعداد میں کمی دیکھی گئی ہے۔

جیو نے فکسڈ براڈ بینڈ سیگمنٹ میں بھی اچھی کارکردگی کا مظاہرہ کیا ہے۔ اپریل میں جیو نے 9.10 لاکھ نئے براڈ بینڈ صارفین کو شامل کیا (جس میں وائر لائن اور فکسڈ وائرلیس رسائی شامل ہے)، جو ایئرٹیل کے 2.30 لاکھ صارفین سے تقریباً چار گنا زیادہ ہے۔