جموں و کشمیر: باندی پورہ میں سیکورٹی فورسز پر گرینیڈ سے حملہ، ایک پولیس اہلکار شہید، 4 زخمی

جموں و کشمیر کے باندی پورہ ضلع میں جمعہ کو دہشت گردوں نے پولیس-بی ایس ایف کی ایک جوائنٹ ٹیم پر گرینیڈ سے حملہ کر دیا۔ اس واقعہ میں جموں و کشمیر پولیس کا ایک اسپیشل پولیس افسر (ایس پی او) شہید ہو گیا جب کہ سیکورٹی فورس کے چار دیگر جوان زخمی ہو گئے۔

اس حملہ کے تعلق سے سینئر افسران نے خبر رساں ایجنسی آئی اے این ایس کو جانکری دیتے ہوئے بتایا کہ سیکورٹی فورس کی ایک ٹیم پر دہشت گردوں کے ذریعہ گرینیڈ پھینکا گیا۔ اس واقعہ میں سیکورٹی فورس کے پانچ جوان زخمی ہوئے گئے اور بعد میں ایس پی او نے دم توڑ دیا۔ زخمیوں کو اسپتال پہنچایا گیا ہے۔ فورس نے موقع پر پہنچ کر علاقے کی گھیرابندی کر دی گئی ہے اور حملہ آوروں کو پکڑنے کے لیے مہم شروع کر دی گئی ہے۔