وقت آگیا ہے کہ ہر کوئی خواتین کا احترام کرنا سیکھ لے: راہل

سوشل میڈیا پر ایک پوسٹ میں گاندھی نے کہا ہے کہ انقلاب لانے کے لئے ضروری ہے کہ سچ بولا جائے اور ببانگ دہل بولا جائے۔

راہل گاندھی
راہل گاندھی
user

یو این آئی

نئی دہلی: ’’می ٹو إوومنٹ‘‘ کے ملک گیر سطح پر زور پکڑنے کے پس منظر میں صدر کانگریس راہل گاندھی نے آج کہا کہ وقت آگیا ہے کہ ہر کوئی خواتین کا احترام کرنا اور اُن کے ساتھ باوقار طریقے سے پیش آنا سیکھ لے۔

سوشل میڈیا پر ایک پوسٹ میں گاندھی نے کہا ہے کہ انقلاب لانے کے لئے ضروری ہے کہ سچ بولا جائے اور ببانگ دہل بولا جائے۔

انہوں نے ٹوئیٹ کیا ہے کہ اب وقت آگیا ہے کہ ہر کوئی خواتین کا احترام کرنا اور اُن کے ساتھ باوقار طریقے سے پیش آنا سیکھ لے۔مجھے خوشی ہے کہ جو ایسا نہیں کرتے اُن کے لئے گنجائشیں ختم ہو رہی ہیں۔ انقلاب لانے کے لئے ضروری ہے کہ سچ بولا جائے اور ببانگ دہل بولا جائے۔

می ٹو موومنٹ نے پچھلے دو ہفتوں کے اندر زبردست رفتار پکڑ لی ہے ۔ بیسیوں خواتین روزگار کے مقامات پر جنسی ہراسانی کے خلاف کھل کر بولنے لگی ہیں اور انہیں اس انقلابی اقدام پر ایک سے زیادہ حلقوں کی طرف سے تائید بھی حاصل ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔